嚐仙

營業中

休息中

呢排見到元朗T fresh嚐仙做緊某外賣平台外賣自取六折優惠，仲要冇最低消費，超抵！平時行過都已經想試吓，今次有特價，當然唔放過啦！叫咗黃金地瓜泥布丁，材料有黃金地瓜泥，芋圓，珍珠，紅豆，布丁。外賣平台原價$52，六折後$31, 餐廳堂食價$47份量嚟講，因為原價比較貴，以為會好大份，結果比想像中細，不過一個人食其實都已經好飽。叫咗半甜，都已經好夠甜。🍠地瓜泥很香甜，好似真係食緊一嚿番薯咁。🧆芋圓同珍珠都好有咬口。🍮布丁味道就正正常常。老實講，正價我就唔會再食，不過$31就真係好抵食，味道都唔錯！