素一素

營業中

休息中

荔枝角真係食到好多好嘢，今日放工就同朋友去咗香港工業中心地庫嘅「素一素」。呢個係一間食素嘅餐廳，有時食吓素真係感覺都健康啲。佢夜晚都有套餐，都係80至$90不等。我同朋友叫咗兩個餸，都食到好飽。節瓜素肉碎炒粉絲煲節瓜好入味，粉絲都炒得好乾身，而且好惹味。食落好有咬口感覺。素鹹魚豆腐茄子煲食落真係有浸鹹魚味，個茄子煲好夠熱，茄子同豆卜都好入味。每個套餐都配有紅米飯同埋湯，老闆仲好好俾人添飲。難怪見到咁多人來食。