富豪坊

營業中

休息中

九龍城雖然好多唔同食物選擇，但係反而傳統港式酒樓飲茶點心嘅選擇唔多。喺Regal Oriental hotel裏面嘅富豪坊係其中一個選擇。見到餐單上有傳統蝦多士，於是即刻叫一碟。蝦多士果然用上傳統做法，即係用蝦膠而唔係原隻蝦。上枱時熱辣辣，香脆而油淋淋。其他炸嘅點心質素都不錯，最緊要係上枱時仲係熱。炸野一凍左就唔想食。蒸嘅點心方面，蝦餃皮唔係太厚而餡夠juicy。排骨用上比較多肉嘅肉排。燒賣，豉椒鳳爪，糯米雞都係水準之作。炸蝦腸粉外軟內脆。