泰皇閣泰國菜館

營業中

休息中

黎到九龍城梗係要食泰國菜，不過其實除咗雜誌上常見個幾間，仍然有好多小店既泰國菜係值得一試，就好似我今日介紹呢間咁。餐牌非常之多選擇，令人眼花撩亂🤪，因為驚兩個人食唔晒，如果唔係好多都想試。古法咖喱軟殼蟹 $218每件軟殼蟹🦀下面仲有蒜蓉包🧄，軟殼蟹炸得非常香脆，蒜蓉包嘅牛油味🧈比較出。黃咖喱係蛋花咖喱🥘，質地好掛身，唔算好辣偏甜🍬，配上蒜蓉包同軟殼蟹味道好夾。東北炸魚生菜包 $180未食過呢一種菜式，店員教用生菜包🥬住沾左醬汁既魚肉、粉麵、配料一齊食，超滿足既口感！魚肉🐟有鮮味，炸得皮薄香脆，醬汁酸甜辣都好平均。根據喜好加上配料，有蒜頭、香茅、辣椒🌶、花生🥜、青檸汁、紫洋蔥🧅同薑粒，口感超豐富，而且配搭得宜，好味😚！芒果糯米飯 $55有少少失望嘅係糯米飯🍚唔夠粒粒分明，軟到過份lim身。芒果🥭唔算好飽滿但都算鮮甜，整體上都不過不失。芒果沙冰 $32；椰青 $33佢嘅芒果沙冰🥭同出邊一般有啲唔同，入口涼浸浸加咗薄荷入去一齊打碎，令到格外涼快，芒果味亦好出眾。椰青鮮甜，啲肉🥥都可以刮晒出嚟食。整體黎講，我覺得係比預期中出色，好建議大家嚟試吓👍🏻。而且店員姐姐態度好友善，仲會介紹菜式俾客人。