唐坊火鍋私房菜

營業中

休息中

朋友介紹之下試咗間係油麻地既打邊爐私房菜，店舖位於高樓層所以一入門口會見到好靚既景色，剛剛日落黃昏美景！先選了打邊爐湯底，先叫咗個堅係濃花膠雞鍋，一落窩大家就試試啖湯，好香好濃味，美味😋！雖然花膠唔係好大件，但係都夠晒份量！試埋隻雞！夠晒滑身，剛剛好熟！朋友唔食牛，所以點了橡果豬，估唔到咁好味！未食過咁好食既豬肉，一啲臊味都冇！再叫了雲吞拼水餃、娃娃菜、勁甜既鮮粟米、三寶丸同埋毛肚，重點叫咗個邪惡響鈴，真係勁邪惡，一上枱要即食，因為新鮮炸起，響鈴上面加咗鹹蛋黃好香好好味！食唔停🤭，原本叫埋卜卜蜆，不過冇貨，下次要試，依間私房菜仲有一賣點，會有一時段玩叫價，價高者得海鮮，好有趣😁！整體食物夠新鮮滿意！滿足！