Ann Mamma Thai kitchen by 張秀玲

營業中

休息中

今日book咗同一個姊妹食依間泰國菜，好彩有book位，唔係Walk in會摸門釘🙈餐廳裏面嘅裝修好有清新、同埋有格調。首先我哋嗌左個泰式蝦餅。蝦餅大大件，上檯嗰陣啱啱炸好。食落去，蝦餅好彈牙，而且好足料，咬落去啖啖肉，蝦味十足。跟住我哋叫咗一個大蝦炒金邊粉。同樣都係好足料，大大碟，蝦都好大隻。金邊粉吵到好有鑊氣，唔過濕。酸辣度啱啱好，面頭淋埋青檸汁，真係越食越開胃。另外，我哋都叫咗一個豬肉生菜肉碎包。生菜好新鮮，而肉碎用咗好多香料去調味，所以非常入味。鍾意食辣嘅人千祈唔好錯過。最後當然唔會少得泰國甜品：椰汁芒果糯米飯！糯米飯加咗斑蘭汁，所以食落口特別有清新嘅感覺。少少清甜嘅泰國芒果，再加埋椰汁，同糯米飯一齊食特別夾。