風車

營業中

休息中

大圍美食多，今日食下呢間“風車”西餐廳。火車站出閘大約行8分鐘左右就到。精緻餐廳，中央垂吊一盞好華麗嘅水晶吊燈，非常吸精。令我覺得最relax嘅就係餐廳嘅格調，係柔和嘅燈光加上輕柔嘅音樂環境下用餐，浪漫情調超級適合情侶拍下拖仔😆另外，餐廳亦安裝高清電視，成班朋友一齊欣賞球賽，仲可以享受餐廳全日優惠生啤🍻買一送一，簡直開心到炸開。餐廳食物種類多：意粉🍝、扒類🥩、牛角包🥐、漢堡等等，多不勝數！喜歡不同口味嘅食客👍•紅酒燴牛肋條肉質軟嫩，筋膜彈牙，口感腍滑，配搭香濃嘅醬汁，令牛肉嘅香味更為提升👍•薄切西冷牛扒口感柔嫩，肉質鮮美，精心烹調，搭配簡單的調味，反而突出咗牛扒嘅味道，讓人回味無窮。每款套餐可額外追加指定食物、湯或特色飲品，喜歡飲酥皮湯嘅我就梗係追加酥皮龍蝦湯啦，物有所值，好味道冇得彈👍下次一於試下呢度嘅pizza同漢堡先