泰金鍋

營業中

休息中

而家食潮汕牛🥩已經唔一定返大陸食喇，泰金鍋新出咗手切潮牛餐🐮有四款手切潮汕牛包括吊龍、匙仁、胸口爽、新鮮黑栢葉比你選擇，另外亦有多款澳洲同美國牛肉，豚梅肉同羊肉，仲有海鮮等我哋慢慢嘆👍🏻除左order 火鍋配料之外，餐廳仲有活蝦池🦐熟食區🍖🥙自助吧食材🫛🫜🍜同自助小食甜品區🍩🍦🍧活蝦肉質爽口，可以拎住冰筒夾蝦，當然開心啦❤️自助吧食材每日更新，都有唔少蔬菜🥬粉麵同丸類俾你選擇。甜品區有綿綿冰機🍧除咗食雪糕同埋泰式甜品，食杯綿綿冰真係最好不過 🤤120分鐘任食，每人一鍋，唔使再同個女一齊食壽喜燒鍋啦。冬陰功湯最啱我，老公今次就試咗青檸椰奶雞湯🥘食到最尾整返個泰式甜品同泰茶(有椰汁西米糕同千層糕)做個完美嘅句號，千層糕真係大推，好似喺泰國食嘅一樣味，好期待下次再食過🥰