Burgerman (埃華街)

營業中

休息中

今日去開大角咀就係度食埋個晚餐。呢度有間幾出名嘅Burger，我特登奧海城行5分鐘過黎。結果絕對無令我失望，呢度嘅和牛漢堡真係好有質素。牛肉無落過量粉，依然好有肉感，而且係好有牛味，又好夠水份。呢度好嘅地方係有手套提供，食burger真係好需要手套，有時都唔明點解麥記巨無霸無手套提供哈哈。加$20揀左沙律同零系可樂。沙律份量好大，上面有粟米同沙律醬，爽脆又無啲草青味，係薯條以外健康嘅選擇。呢度音樂係輕快嘅歐美流行曲，座位主要係面壁吧枱，牆壁裝修都好有美式風格。