五月星牛肉麵

營業中

休息中

到處覓食，又怕商場餐廳要排隊，就去工廠大廈搵吓。今次見到openrice 都多人讚好就嚟試吓。見價錢唔貴一叫就叫咗好多嘢食。滷肉飯滷肉肥瘦均勻味道還可以，飯就硬咗少少，但飯多滷肉少。刈包口感豐富即叫即做所以等候時間較長。入面有花生，酸菜同埋滷肉。雖然好多人推介，但刈包要配埋滷肉飯一齊叫，唔多吸引。招牌紅燒牛肉麵牛肉夠冧入味，麵底有咬口，湯底濃鬱帶有微辣，配合酸菜連湯食麵味道不錯。肉鬆起司蛋餅外脆內軟有芝士味，味道均勻唔會太鹹，好食。蚵仔煎口感唔會太實，中間啲脆口嘅蔥花，配上上面嘅辣醬有台灣風味。總括而言，有台灣嘅味道，而且性價比高，值得回頭再試。