玉桃軒酒家 (利舞臺廣場)

營業中

休息中

今天只有兩小口子晚飯，所以決定不在家煮，出外找間酒樓食晚飯，休爐一天。之前曾到訪利舞台廣場20樓的玉桃軒飲茶，覺得OK，所以今晚就去了那裏食晚飯。酒樓門口裝修得好清雅，給人好舒服的感覺。脆皮燒腩仔之前食過這間酒樓的推介叉燒覺得唔錯，所以今晚叫了另一燒味「燒腩仔」。果然同叉燒有得比。燒腩仔上枱時還是暖暖的，瘦肉和脂肪的比例差不多七比三，食落唔會太肥，而且肉質鬆軟，最正的還是燒得又鬆又脆的皮。法式焗釀鮮響螺釀進螺殻的材料有海鮮粒（包括響螺肉粒，蝦肉粒，帶子粒...），蔬菜和芝士等，食落好棉口，而且口感豐富，size 亦不算細,＄58 一隻都算抵食。石鍋蝦乾蝦醬唐生菜石鍋的熱力使蝦乾和蝦醬味揮發得淋漓盡致，一上枱已經聞到好香，使本來沒有什麼味道的生菜變得惹味十足。柚子杏片煎雞脯雞脯是用雞脾肉，非常嫩口，更撲上杏仁片一起炸，多一層口感，異於一般炸雞柳，而且非常脆口，柚子汁亦很清新醒胃，餸飯一流。