影片
更多
2017-05-12
4268 瀏覽
舊年年中嚟過一次Sky 726食早午餐，印象唔錯，食物亦有水準，所以，再同早前去旅行嘅朋友聚一聚，就想起呢度。席間，我哋又回味起去旅行嘅趣事，談得開心快樂，期待下一次嘅出行。嚟過都知，一出電梯就喺餐廳，初頭諗住都唔會有咁多人幫襯食早午餐，所以，都無要求窗邊位，結果真喺估唔到有唔少人幫襯，無緣全場最正嗰排窗邊位，但用餐區其他位置都舒適寫意。順帶一提，餐廳正中間喺水吧位（調酒區），側旁有少少高腳枱櫈，嚟飲吓酒就最好不過。餐廳尾喺廚房重地，雖然唔喺開放式，但只喺隔住玻璃，可以清楚睇到大廚們做菜嘅風範！嚟之前，仲同朋友講個早午餐喺乜乜乜Course1,2 3自由組合，點知依次再嚟就唔同晒，多咗好多選擇。沙律、前菜、意大利麵、意大利飯、漢堡、全日早餐、肉類、魚類……等等，仲有埋兒童餐添。更有啲另加選項，如+$48就配餐包、餐湯、沙律及餐飲，可以講，同上次比玩法唔同晒。小穀麥包餐包微微暖，口感非常鬆軟，又有麥香，搽啲牛油，帶點鹹味，伴一伴餐湯，就開始打開我哋早午餐嚐味之旅。是日餐湯餐湯喺周打蜆湯，望落就好似普通嘅忌廉湯咁，但撈一撈確喺加入唔少蜆肉，湯底唔錯，有啲魚鮮味。迷你沙律喺輕巧版嘅凱撒沙律，
嚟過都知，一出電梯就喺餐廳，初頭諗住都唔會有咁多人幫襯食早午餐，所以，都無要求窗邊位，結果真喺估唔到有唔少人幫襯，無緣全場最正嗰排窗邊位，但用餐區其他位置都舒適寫意。
順帶一提，餐廳正中間喺水吧位（調酒區），側旁有少少高腳枱櫈，嚟飲吓酒就最好不過。
餐廳尾喺廚房重地，雖然唔喺開放式，但只喺隔住玻璃，可以清楚睇到大廚們做菜嘅風範！
嚟之前，仲同朋友講個早午餐喺乜乜乜Course1,2 3自由組合，點知依次再嚟就唔同晒，多咗好多選擇。沙律、前菜、意大利麵、意大利飯、漢堡、全日早餐、肉類、魚類……等等，仲有埋兒童餐添。
更有啲另加選項，如+$48就配餐包、餐湯、沙律及餐飲，可以講，同上次比玩法唔同晒。
小穀麥包餐包微微暖，口感非常鬆軟，又有麥香，搽啲牛油，帶點鹹味，伴一伴餐湯，就開始打開我哋早午餐嚐味之旅。
是日餐湯餐湯喺周打蜆湯，望落就好似普通嘅忌廉湯咁，但撈一撈確喺加入唔少蜆肉，湯底唔錯，有啲魚鮮味。
迷你沙律喺輕巧版嘅凱撒沙律，混入橄欖油醋嘅田園沙律菜，再加入烘麵包粒同撒上芝士粉，主菜前用嚟開開胃清新一下。
友人唔喺大食之輩，所以，主菜方面我哋都無揀得太重份量，平衡少少，就一個沙律（大家都想食多啲蔬菜類）、一客意大利飯及一客肉類（就番我依個食肉獸）。
凱撒沙律配蒜片蝦 $138啲羅馬生菜晌處理上保留得大件頭啲，無軋得太細碎，入口冰涼爽脆；而煙肉採原片，可遷就到唔食煙肉嘅朋友，此外，除灑入芝士粉，亦做咗啲芝士薄脆，以及加咗隻溫泉蛋，無疑令味道更富層次。
凱撒沙律配蒜片蝦
$138
32 瀏覽
0 讚好
0 留言
野菌意大利飯 $158相對碟闊條麵，依個意大利飯我哋一致都超讚，因為飯粒唔止咬口有煙韌感，濕潤度啱啱好，亦充滿黑松露香味，更混入唔少野菌雜菇；飯底本身已加咗唔太重味嘅馬卡風芝士，再晌飯面刨啲巴馬臣芝士，芝士味更香。
野菌意大利飯
$158
40 瀏覽
0 讚好
0 留言
慢煮黑毛豬鞍扒 $198幾款肉類，羊架就一早被淘汰出局，因為友人唔食羊；牛扒亦常接觸，反而豬鞍扒喺佢哋都無乜試過嘅肉類，加上慢煮處理，亦被睇高一線。一客有兩大件豬鞍扒，墊底仲有烤本菇及牛肝菌蓉，賣相幾有睇頭。件豬鞍扒落刀嗰吓都幾腍，入口肉質唔似得肉眼、西冷嗰種軟腍，相反咬落有少少爽口感，且富肉汁，沾啲意大利黑醋汁，感覺更清爽。薯蓉就食得多，搵牛肝菌做蓉都應該喺極少有，雖然質感非常軟滑，但食落有少少澀味。
熱檸水雖然我哋叫嘅4道主菜都唔喺咩大份量嘢，但加埋餐包、餐湯、迷你沙律，大家都食得幾飽吓，故甜品都無再加配，仲叫杯熱檸水消消滯。
鮮奶咖啡 +$15雖然無嗌甜點，但都想嘆杯咖啡，可是沖調特別咖啡嘅水準似乎都喺無咩進步，拉花、撞奶泡嘅手勢都喺未達水平，被逼將啲奶泡搞勻，變為一杯平常嘅咖啡，還好咖啡醇香。其實，我成日覺得，如果餐廳有啲食物或飲唔唔喺善長，唔提供好過提供，反正，嚟依度客人都唔預期一定有啲特色咖啡提供。
不知不覺，食吓，傾吓，都已經轉眼渡過咗兩個幾鐘，真喺快樂不知時日過。平常大家都忙忙碌碌，能如此悠閒無拘無束食餐晏，何其寫意！
張貼
