茶木‧台式休閒餐廳 (創紀之城五期(apm))

營業中

休息中

係apm行完街又未到時間食晚飯，記起apm有茶木就黎食下甜品小食頂下肚先。好耐之前就已經食過茶木既蜜糖磚塊，今次特登再叫黎回憶下。餐牌上面推薦士多啤梨味，但始終驚會酸所以最後都係叫左最安全既朱古力。應該係即叫即整所以都等左大概15分鐘，同印象中相比磚塊好似比以前細舊，不過雪糕分量就差唔多。雪糕軟硬度啱啱好，不過一度食一度好驚成個野會跌落黎，每用匙羹食一淡都要好小心。食完雪糕開始對磚塊下手，最中意食既始終係入眠一粒粒既麵包塊，吸左朱古力雪糕同醬再加蜜糖好感真係好好食，出面外層既麵包就比較硬d同埋少d沾到醬，不過都好食既。至於士多啤梨我就好慶幸最後叫左朱古力味，因爲個四粒士多啤梨我已經覺得好酸，不過呢d都係因人而異。最後仲叫左個炸雞塊，足足有兩大塊，外脆内軟都唔錯，食完都已經好飽，晚餐應該都可以慳埋。