影片
更多
2014-04-23
4130 瀏覽
週日中午來到米芝蓮一星明閣飲茶 (上年明閣都仲係二星), 一星期多前訂枱,時間分兩段, 上段為10:30am-12:45pm, 下段為1:15ｐｍ－3:30ｐｍ, 環境高雅有格調, 不失貴氣, 但服務比起以前差了, 但總算可以接受, 訂了13：15的時段，打算歎茶到15：00, 因為想慢慢歎茶(雖然茶香不及香宮, 但食物比香宮好好多), 我們分開好幾次點菜。首先叫了蝦餃, 鵝肝芋角, 流沙包及阿拉斯加長腳蟹小籠包 (我好多時都掛住食, 唔記得影相)蝦餃一籠四粒($6X) 正中有粒翠綠色小蝦餃不只有裝飾作用, 而且內𥚃亦有蝦肉。蝦餃晶瑩剔透, 而且十分爽口, 外形和味道都一流。鵝肝芋角($5X)炸得幾好，十分鬆脆唔油膩, 芋蓉綿軟但唔係好食到有鵝肝, 無想像中特別流沙飽($4X)，外表平平無奇，但一拎上手，略為打開少少包皮，就發現內裏的流沙饀料想流出黎, 飽身鬆軟, 流沙的奶黃味香甜濃郁阿拉斯加長腳蟹小籠包($5X), 放於茶盅內獨立上檯, 感覺格外矜貴, 不過食落毫無驚喜，味道普通不過醉蝦餃皮好薄(@$3X)，有成幾隻蝦，蝦肉好有酒香好爽口, 好後悔唔一啖食左佢，入面D汁漏左出黎。雖然
蝦餃一籠四粒($6X) 正中有粒翠綠色小蝦餃不只有裝飾作用, 而且內𥚃亦有蝦肉。蝦餃晶瑩剔透, 而且十分爽口, 外形和味道都一流。
鵝肝芋角($5X)炸得幾好，十分鬆脆唔油膩, 芋蓉綿軟但唔係好食到有鵝肝, 無想像中特別
流沙飽($4X)，外表平平無奇，但一拎上手，略為打開少少包皮，就發現內裏的流沙饀料想流出黎, 飽身鬆軟, 流沙的奶黃味香甜濃郁
阿拉斯加長腳蟹小籠包($5X), 放於茶盅內獨立上檯, 感覺格外矜貴, 不過食落毫無驚喜，味道普通不過
醉蝦餃皮好薄(@$3X)，有成幾隻蝦，蝦肉好有酒香好爽口, 好後悔唔一啖食左佢，入面D汁漏左出黎。雖然漏左D汁，但已經足以令我成口滿佈紹興酒香
蒜茸蝦春卷($4X)上枱時真係嚇左嚇一跳, 毫無擺碟可言,春卷散亂地分佈0係碟上不同角落, 好難相信酒店0係中菜廳會遇到嘅情況, 春卷炸得金黃香脆, 蒜茸味都幾香, 蝦亦爽口
鮑魚燒賣($6X) 真材實料, 肥豬肉同蝦嘅比例好好, 好爽口
蜜汁叉燒包 ($4X /3件)裡面的叉燒好多，每啖都可以食到, 飽身鬆軟, 特別欣賞它的蜜汁好香好惹味
元貝珍珠雞($4X/3件)﹕賣相又是非常普通, 食材好足, 味道都唔錯
瑞士汁炒牛河($18X)有D鑊氣, 面頭仲有好多芝麻, 都幾香, 牛肉好嫩, 河粉好南爽口
炸杏片香芒卷 $48, 外面有好香脆的炸杏片包住, 一咬下去, 香芒肉連香芒汁湧出來, 而且仲係暖嘅, 不過芒果味唔算好香, 好有口感, 非常有層次
題外話/補充資料：
我覺得酒店嘅待應待客的服務態度真係要改善下,已經唔係於人手不足, 2-3位待應負責3-5張枱, 都提供唔到應有的嘅服務水準, 其實去過好多間比較有名氣嘅酒店服務水準都下降不少, 特別係由一D 30出口部長帶領住90後嘅待應最差, 好似完全無培訓過
(以上食評乃用戶個人意見 , 並不代表OpenRice之觀點。)
張貼
