影片
更多
2022-10-24
901 瀏覽
真係N年冇食過自助餐喇！老婆大人話帶我去食我一定like爆嘅自助餐，肯定喱晚我一定食得爽皮。原來佢帶我嚟沙田凱悅酒店嘅咖啡廳，食全新即時烹調自助餐究竟有乜嘢咁老定話我實like爆？第一次嚟喱道發覺都幾正，樓底勁高地方大攞嘢食唔使迫到死。嗱食自助餐有任飲真係特别受歡迎，喱道有凍冰冰嘅蘋果伯爵茶任飲唔會好甜好過飲汽水多多聲啦。老婆大人話我like爆嘅就係喱晚有三個時段嘅敲鐘限定正菜，第一樣係六點半嘅即切油甘魚刺身配加州卷，油甘魚刺身淋咗啲紫蘇青醬味道都幾特别。跟住到七點手推車放喺户外嘅門口前面，喱次係堂弄火炙芝士白汁焗龍蝦，兩大盤龍蝦預備接受火焰嘅洗禮。師傅淋下白蘭地後再放火打卡就趁手喇。喱隻火炙芝士白汁焗龍蝦樣就very good喇唔知正唔正呢！嘩食落去芝士面頭好焦香，龍蝦肉啱啱熟好爽甜仲鬼咁多膏，唔得掂要去排多轉先。重頭戲終於嚟喇七點半喺餐廳戶外忽然烽烟四起，原來喺師傳炭燒緊斧頭扒同埋牛柳，嗰種炭香真係引死人呀唔怪之得老婆大人話我一定like爆啦。師傳會比三件正牛比排隊嘅客人，兩件係牛柳一件係斧頭扒，配汁係香濃嘅黑松露燒汁，牛柳勁淋又嫩滑肉味超濃香，炭香味十足嘅斧頭扒比較有趙口牛香超正
原來佢帶我嚟沙田凱悅酒店嘅咖啡廳，食全新即時烹調自助餐究竟有乜嘢咁老定話我實like爆？
第一次嚟喱道發覺都幾正，樓底勁高地方大攞嘢食唔使迫到死。
嗱食自助餐有任飲真係特别受歡迎，喱道有凍冰冰嘅蘋果伯爵茶任飲唔會好甜好過飲汽水多多聲啦。
老婆大人話我like爆嘅就係喱晚有三個時段嘅敲鐘限定正菜，第一樣係六點半嘅即切油甘魚刺身配加州卷，油甘魚刺身淋咗啲紫蘇青醬味道都幾特别。
跟住到七點手推車放喺户外嘅門口前面，喱次係堂弄火炙芝士白汁焗龍蝦，兩大盤龍蝦預備接受火焰嘅洗禮。
師傅淋下白蘭地後再放火打卡就趁手喇。
喱隻火炙芝士白汁焗龍蝦樣就very good喇唔知正唔正呢！嘩食落去芝士面頭好焦香，龍蝦肉啱啱熟好爽甜仲鬼咁多膏，唔得掂要去排多轉先。
重頭戲終於嚟喇七點半喺餐廳戶外忽然烽烟四起，原來喺師傳炭燒緊斧頭扒同埋牛柳，嗰種炭香真係引死人呀唔怪之得老婆大人話我一定like爆啦。
師傳會比三件正牛比排隊嘅客人，兩件係牛柳一件係斧頭扒，配汁係香濃嘅黑松露燒汁，牛柳勁淋又嫩滑肉味超濃香，炭香味十足嘅斧頭扒比較有趙口牛香超正，所以我喱晚總共食八件咁多嘻嘻，不過以上三樣敲鐘限定正菜凈係會喺星期五至日同埋公眾假期及假期前夕嘅自助晚餐先有得食。
食完敲鐘限定嘅好嘢之後就到食豐富自助餐嘅各樣菜色。
喱道係前菜、日式、海鮮檔口，都有好多嘢揀架一齊睇吓有咩嘢食啦。
首先有凍海鮮有長腳蟹、扇貝、鮮蝦、螺肉同埋龍蝦，鍾意食幾多都得過足海鮮瘾。
喱道擺咗好多款凍肉同埋芝士，最正係有我鍾意食嘅杏脯肉，日本嘢有壽司、卷物同埋刺身，刺身都有唔少款架例如吞拿魚、希靈魚、甜蝦、八爪魚仲有帆立貝添。
至於健康嘅沙律檔有好多新鮮嘅沙律菜，仲有橄欖、小米、三色椒、青瓜同埋南瓜喱啲配料。
唔想自己煩咪食廚師撈好嘅沙律囉！都有鮮蝦沙律、羽衣甘藍沙律、菠蘿沙律、法邊豆沙律、水牛芝士、雅枝竹同埋甜紅椒，仲有凱撒沙律同煙三文魚同埋即切嘅24個月的西班牙白毛豬火腿。
刺身最正係帆立貝軟滑鮮甜，凍海鮮就鍾意大蝦勝在夠新鮮爽口。
喱碟前菜係老婆大人嘅至愛，菠蘿加白毛豬火腿食到佢舔舔脷，我就鍾意食芝士同埋杏脯肉，全部可以任食真係太爽皮喇！
中菜檔一字排開好壯觀有勁多吸引嘅菜式，仲有啲自助餐少有嘅貴價菜添。
由廣東燒味開始介紹啦，掛滿咗切雞、燒鴨、叉燒同埋紅腸，望落去都好靚仔吓一陣要試試先。
跟住仲有青紅蘿蔔玉米腰果煲赤肉老火湯，刈包配紅燒肉、清蒸石斑、韭菜豬紅、雲吞麵、蠔皇鮑魚同埋花膠、香煎雞球、洋蔥牛仔骨、百花魚肚、水煮牛肉仲有翡翠炒蝦，真係勁多嘢㨂呀。
蠔皇鮑魚花膠、百花魚肚都係老婆大人嘅飛佛，佢緊係食得好happy啦！不過自助餐有鮑魚花膠同埋魚肚任食想回本真係易過借火。
燒味我哋要晒三味，師傅勁好人比咗切雞同燒鴨脾我哋，兩隻都好食喎，不過我就鍾意入味唧脆皮燒鴨脾。
喱碟入面個紅燒肉刈包真好鬼邪惡不過係好味嘅，另外條清蒸石斑係好嘢嚟蒸得嫩滑又有魚香，鍾意食魚嘅朋友咪走寶呀。
食完中式梗係要食埋西式嘢啦，又係鬼咁多嘢㨂真係好堅。
有番茄湯、咖喱角、麵包、烤豬髀、炒蘑菇、忌廉椰菜花、燴牛面肉、炒海鮮、焗盲曹魚、焗薯仔、羊架、香腸，仲有香煎鴨肝配蘋果蓉同埋龍蝦汁牛油帶子長通粉夠照有特。
烤豬髀、羊架同香煎鴨肝都好有料到，建議大家留肚食番件。
至於平時對螺絲冇乜興趣嘅我，覺得喱個即煮嘅龍蝦汁牛油帶子螺絲粉整得好味喎。
最後緊係要食甜品啦，款式唔少仲有好多即叫即整嘅甜品添。
有熱辣辣嘅番薯糖喱排涼涼哋就啱晒。
即製檔位有班戟、窩夫、鯛魚燒同埋黑森林雪糕杯，前面仲有好多樣配料好似朱古力碎、杏仁片、花生醬、煉奶仲有朱古力醬，鍾意點樣配搭都可以自己揸主意。
第一次見喺自助餐羅漢果糖做嘅甜品，就算係血糖高又或者減緊肥人都可以開開心開食甜品。
然後喱啲就係正常嘅甜品，冬甩、法式千層酥、意大利芝士餅、草莓吉士撻同埋荔枝玫瑰乳酪蛋糕。
仲有焗杏脯焦糖牛油蛋糕、麵包布丁、葡撻，同埋新鮮生果，雪糕都有八款口味咁多，有夏威夷果仁、牛奶、朱古力、抹茶、曲奇、雲呢拿、焦糖脆餅、藍莓同埋檸檬雪葩，雪糕迷就一開心到飛起。
班戟即叫即做即食，餡料自己㨂我哋就㨂咗香蕉朱古力，班戟皮好軟熟加埋香蕉朱古力道味完美。
熱辣辣嘅鯛魚燒到手我襯檸檬雪葩好友就要曲奇，鯛魚食落勁脆口加埋凍冰冰嘅雪葩，冰火兩重天嘅口感好過癮。
每人仲有一杯飲品我哋都㨂用永和蜂蜜冲嘅凍檸蜜，喺乾燥嘅天氣滋潤一吓。
沙田凱悅酒店咖啡廳
電話：37237952
地址：沙田澤祥街18號沙田凱悅酒店大堂
張貼
