Lady Nara

營業中

休息中

呢間係曼谷人氣泰菜Thai Nara嘅姊妹品牌店，以夢幻粉紅色作主題，連上菜嘅碟都係夢幻嘅顏色。今次試咗唔同嘅主菜同埋甜品，比較推介香茅燒雞、蟹肉長通粉、芒果忌廉批配椰子雪糕同埋玫瑰奶茶流心蛋糕。香茅燒雞用咗原隻黃油雞，加埋18種香料隔夜腌製，焗嘅時候仲會放埋香茅喺入面，上枱嘅時候已經聞到好香，雞肉嫩滑多汁，食到好香香料味，點少少佢特製㗎辣汁非常惹味。蟹肉長通粉冇諗過會喺泰國菜店食到pasta，佢嘅長通粉軟硬度剛好，加埋芝士忌廉嘅汁，少許creamy，長通粉入味。芒果忌廉批配椰子雪糕批皮保持脆，上面加埋新鮮嘅芒果同埋好滑既忌廉一齊食好正，好欣賞佢個椰子雪糕，超級新鮮同清新。玫瑰奶茶流心蛋糕平時喺出邊食到嘅通常係朱古力流心，配合返泰國菜，入面用咗玫瑰奶茶做流心，非常特別，食到甜甜嘅奶茶味，味道偏甜。