皇室冰廳 (已結業)

之前已經黎食過一次，今日約朋友係長沙灣食飯就即刻諗起呢間冰廳。第一道嗌左朋友最鐘意食既晚飯小菜 招牌椒鹽蒜香豬扒，無食咁耐依然好夠椒鹽既鹹香味，仲有陣陣蒜香味，豬扒肥瘦適中、肉質鬆軟。另外嗌左個晚餐E XO醬茄子牛肉煲，一上枱熱辣辣，茄子煮到糜爛咬落去好有茄香味，仲吸哂醬汁既味道，加埋醬汁撈白飯，真係好滋味，如果牛肉可以再生d更完美，可能本身鐘意食生d，應該會再嫩滑d。每個套餐都有包例湯同白飯。而飲品就加左$8嗌特飲，有OREO特濃阿華田，阿華田味夠重，唔會淡茂茂。另一杯就叫左什果賓治，甜甜地、有氣泡、加埋水果增添口感。