影片
更多
2025-06-21
515 瀏覽
我喺平日嘅14:55已經到店外排隊，係第2位客人。店舖雖然寫明15:00開門，但15:15先真正開門，就算我已經俾錢落單，都要等多25分鐘先攞到泡芙。明明我已經排第2，又唔係星期六日公眾假期，前前後後都要花45分鐘，所以時間充裕嘅人先可以買到😓另外，紙盒需要額外付$2 ，而個Menu完全冇寫到。為咗保護啲泡芙，我唔介意額外俾錢，但問題係個紙盒有夠爛，質料軟身易爛，完全保護唔到泡芙。再加上依家大熱天時，佢都唔提供冰包/冰種，所以只係適合附近住/工作嘅人買來食🙂↔️其實，我自己都有準備冰袋，用來帶返屋企食，但個盒可以裝6個泡芙，買3個泡芙來講實在太大。雖然店員都有提我要小心帶走，但考慮到我返屋企有一大段路，加上當日天氣又濕又熱，馬路上有好多灰塵，所以我唯有硬塞入個冰袋，最後導致泡芙毁容。泡芙爛咗我都有責任，但店舖又唔提供冰種，啱size嘅盒，而個盒又咁脆弱，真係好難搞。我事後度個盒，要起碼用壽司郎冰袋size先裝到🙂↕️總結：泡芙好食，價錢昂貴，但購買體驗極差，所以導致性價比極低。如果真的打算買來食，建議：-有充裕的時間才買-天氣好，氣溫低的時候才買-如想帶去其他地方食，最好準備壽司郎冰袋
我喺平日嘅14:55已經到店外排隊，係第2位客人。店舖雖然寫明15:00開門，但15:15先真正開門，就算我已經俾錢落單，都要等多25分鐘先攞到泡芙。明明我已經排第2，又唔係星期六日公眾假期，前前後後都要花45分鐘，所以時間充裕嘅人先可以買到😓
另外，紙盒需要額外付$2 ，而個Menu完全冇寫到。為咗保護啲泡芙，我唔介意額外俾錢，但問題係個紙盒有夠爛，質料軟身易爛，完全保護唔到泡芙。再加上依家大熱天時，佢都唔提供冰包/冰種，所以只係適合附近住/工作嘅人買來食🙂↔️
其實，我自己都有準備冰袋，用來帶返屋企食，但個盒可以裝6個泡芙，買3個泡芙來講實在太大。雖然店員都有提我要小心帶走，但考慮到我返屋企有一大段路，加上當日天氣又濕又熱，馬路上有好多灰塵，所以我唯有硬塞入個冰袋，最後導致泡芙毁容。泡芙爛咗我都有責任，但店舖又唔提供冰種，啱size嘅盒，而個盒又咁脆弱，真係好難搞。我事後度個盒，要起碼用壽司郎冰袋size先裝到🙂↕️
總結：泡芙好食，價錢昂貴，但購買體驗極差，所以導致性價比極低。
如果真的打算買來食，建議：
-有充裕的時間才買
-天氣好，氣溫低的時候才買
-如想帶去其他地方食，最好準備壽司郎冰袋size的冰袋+冰種
TOFFEE LADY 朱古力伯爵茶 / ULTIMATE VANILLA 法式特濃雲呢拿 / CREME BRULEE 焦糖燉蛋
$152
84 瀏覽
0 讚好
0 留言
張貼
