影片
更多
2016-08-22
3419 瀏覽
兩個月前到棉登徑嘅One Minden Tapas Kitchen食飯時，因為為咗食個素西班牙飯，所以，嗰餐都食得頗飽，最後，當然甜品都食唔落啦。不過，晌離開時，偶然發現走番出麽地道嘅街角，見到有家新開嘅泡芙店（當時認為喺泡芙），將泡芙夾雪糕，幾有點子，搵日過開嚟尖沙咀時會再到訪。是日下午，趁出開嚟，就同老婆齊齊到此嘆個下午茶。餐廳賣嘅都喺甜點，所以，午飯過後無耐嘅時段，客人唔多，我倆亦可以悠悠閒坐低品嚐。店子地方唔大，開放式廚房佔去大部份地方。而向窗、向牆嘅兩邊都設有木枱，不過，高椅就只有向牆嘅一邊枱至有，向窗嘅一邊就變成立食。裝修偏向簡約，較為突出嘅喺店內有好多以貓頭鷹為題嘅擺設，個個都樣子得意，貫徹店家嘅名字。食物方面嘅選擇，其實睇店名就知道店家嘅主打喺乜，Choux、Gelato、Coffee。之前，曾以為佢喺泡芙店，其實又唔錯得晒，喺賣法式泡芙（Choux），此外，店中另外主角仲有意大利雪糕（Gelato）及咖啡。晌門口嘅剪報，正正有好多關於佢哋嘅介紹！法式小泡芙分兩個份量，小盒$25及大盒$35，前者約有9粒，後者約有20粒，所有泡芙都喺現場即做，配上海鹽焦糖醬；而意大利雪
餐廳賣嘅都喺甜點，所以，午飯過後無耐嘅時段，客人唔多，我倆亦可以悠悠閒坐低品嚐。店子地方唔大，開放式廚房佔去大部份地方。
而向窗、向牆嘅兩邊都設有木枱，不過，高椅就只有向牆嘅一邊枱至有，向窗嘅一邊就變成立食。裝修偏向簡約，較為突出嘅喺店內有好多以貓頭鷹為題嘅擺設，個個都樣子得意，貫徹店家嘅名字。
食物方面嘅選擇，其實睇店名就知道店家嘅主打喺乜，Choux、Gelato、Coffee。之前，曾以為佢喺泡芙店，其實又唔錯得晒，喺賣法式泡芙（Choux），此外，店中另外主角仲有意大利雪糕（Gelato）及咖啡。晌門口嘅剪報，正正有好多關於佢哋嘅介紹！
法式小泡芙分兩個份量，小盒$25及大盒$35，前者約有9粒，後者約有20粒，所有泡芙都喺現場即做，配上海鹽焦糖醬；而意大利雪糕分一、二、三球，價錢定為$38、$68、$88，三球嘅更附送法式小泡芙，而雪糕亦喺自家由工場每日新鮮製作，是日所見共有5款口味供應。
就因為賣泡芙及雪糕，就誕生兩者合體嘅巨型雪糕泡芙，暫有4款：Popcorn & Rocks、Mango Tango、Red Velvet及Praline Noir，每份賣$58。雖然，每一款都有其設定組合，但都會因應當日雪糕嘅供應而有所調整，又或可按你個人喜好而轉雪糕嘅口味。
順道介紹埋飲品先，分兩大類，一喺就咖啡類，一喺就鮮奶類，前者都喺啲美式咖啡、拿鐵、意大利泡沫咖啡之類，然而，後者就頗特別，甚麼紫薯鮮奶、香蕉朱古力鮮奶……等等。雖然喺咁，小弟都喺喜歡揀杯咖啡嘆吓，老婆一向鍾意紫薯，所以揀咗鮮奶一試。
紫薯鮮奶 $45雖然只喺鮮奶一杯，但無論隻貓頭鷹茶杯，抑或杯面嘅小小心形拉花，都增加杯紫薯鮮奶嘅「顏值」。咪以為杯嘢得個樣，唔單只入口順滑，而且，紫薯味頗突出。
紫薯鮮奶
$45
37 瀏覽
0 讚好
0 留言
焦糖拿鐵 $42食甜點，小弟都喺偏向襯杯咖啡多啲，焦糖拿鐵就最心水，拉花雖然感覺店員手8勢仍好幼嫩，但奶泡撞入濃濃咖啡度手勢不俗，因為唔使攪，一小啖入口已覺得好均勻順滑，咖啡嘅香味順和，焦糖滲出陣陣甘香。
4款雪糕泡芙已有預先設定嘅食材配搭，基本上唔使傷腦筋。
Praline Noir $58依一款雪糕泡芙喺以原味泡芙、榛子果仁糖雪糕、榛子糖漿、麥提莎脆脆為配搭組合，但店員告之榛子果仁糖雪糕暫時未有貨，介唔介意試試花生醬朱古力石仔粒雪糕，依隻味我哋又OK喎。除咗雪糕外，麥提莎脆脆亦轉為M&M朱古力豆。
Praline Noir
$58
51 瀏覽
0 讚好
0 留言
再落嚟就喺淨食雪糕部分，啲雪糕好柔滑富奶香，而已，花生醬味超濃郁，咬落又有啲碎朱古力粒，混和咗少少榛子糖漿，真喺唔錯；
最後就輪到食個底啦，初時都意住同食個蓋無分別，原來內有乾坤，因為泡芙底加咗粟米片先落雪糕，所以，一啖咬入口，雪糕中添了幾分脆脆，過癮過癮！
Mango Tango $58另一款雪糕泡芙則以橙味泡芙、芒果雪葩、芒果熱情果醬、椰子脆脆為配搭組合，真喺唔知我哋咗唔好彩定咁「橋」，當中嘅芒果雪葩又喺無貨，所以，大膽少少改試黑芝麻配烘焙芝麻粒雪糕，所以，原先應該一身鮮豔亮麗嘅Mango Tango則變成色澤對比強烈嘅姿態現身。
Mango Tango
$58
43 瀏覽
0 讚好
0 留言
不過，雪糕部分真喺好正，芝麻味好濃唔在講，混入烘焙過嘅芝麻粒，就令芝麻香更上一層樓；由於配芝麻雪糕，所以並未有淋上芒果熱情果醬，不過，啲椰子脆脆好好食，既充滿椰子嘅香甜，又極有咬口感；
至於泡芙底再拼雪糕放入口，跟食Praline Noir時嘅感覺差不多，只喺換上黑芝麻味雪糕，內裡同樣加入卜卜脆嘅粟米片。
上文都講過佢啲泡芙現場即做，啱啱見有一底小泡芙出爐，所以，再試咗一份細嘅法式小泡芙。
法式小泡芙 $25小泡芙細細粒，的的骰骰，一啖一粒，面面黐住啲糖粉粒，裡面唧咗少少海鹽焦糖醬，入口無想像中咁過甜，外層又有少少脆口，感覺唔錯。
嘆住一杯靚咖啡，食啲甜點，喺種簡單叫人開心嘅方法。晌Owl's，無論法式泡芙，抑或意大利雪糕，都甚具素質，當然，仍有提升嘅空間！依家啲甜點店各出奇謀，不斷推陳出新，又睇睇Owl's憑着用料精良，製作用心，有無機會時勢造英雄。
張貼
