星馬風味。價錢親民

果晚去食呢間海南雞飯，七點左右已經坐滿人咁濟，好彩咁岩重有一張枱，唔洗等位就可以入去食，一路都見到好多人係外面等外賣同等位，應該係區內都幾有人氣。食物價錢係幾抵食，質素又好，係一間可回頭嘅星馬餐廳😁

— — — — — — — — — — — — — — — — — — —

【鴛鴦海南雞飯】$75（迷你肉骨茶+海南雞）

鴛鴦海南雞飯

$75

價錢來講算係幾抵食，通常海南雞飯加肉骨茶一定唔只呢個價錢，而且份量仲好多

個迷你肉骨茶都有成兩舊肉，不過可能我鍾意重口味啦😆 我就覺得味道唔夠濃，藥材味可以再濃啲。

海南雞就真係冇得輸，非常嫩滑，好肥美😬而且幾大碟，食落冇油膩感。

最欣賞係個啡色油飯，同平時見到嘅係唔同，食落幾香口，重點係唔會見到碗底有一層油，食落唔覺得油膩！

— — — — — — — — — — — — — — — — — — —

【脆炸鳳尾蝦春卷】$32

好欣賞佢嘅外層唔係一堆炸粉，係一絲絲嘅酥脆，又唔會太油！唔錯

— — — — — — — — — — — — — — — — — — —

【馬拉盞炒椰菜苗】$45

馬拉盞炒椰菜苗

$45

呢個夠哂重口味，好岩我食🤣 最欣賞佢嘅馬拉盞唔會太辣，唔食得辣嘅人都食到！

— — — — — — — — — — — — — — — — — — —

【恐龍美祿】+$15

恐龍美祿

一d都唔hea，美祿上重有d朱古力粉同彩色粒粒，味道唔錯！

— — — — — — — — — — — — — — — — — — —

【熱柑桔蜜】+$15

熱柑橘蜜

叫呢杯飲品時有點小插曲，明明餐牌上寫有熱美祿，但係叫嘅時候佢又話冇熱嘅，最後叫咗呢杯熱柑桔蜜，好彩都好好飲，重有d青檸係入面，酸酸地幾開胃。