古今二 (荃灣千色匯I)

營業中

休息中

開心星期六，一個人行街行到肚餓，見呢間餐廳裝潢又光鮮靚仔，就入咗去食個lunch，幾抵食喎！手握壽司盛配自選湯麵餐我揀咗豬骨湯麵，$85 ，壽司質素唔錯，仲有碗細嘅拉麵。壽司set有火炙左口魚、醋鯖魚、吞拿魚、劍魚、三文魚、油甘魚，幾鮮味，估唔到價錢比較貴嘅劍魚、吞拿魚、油甘魚都有，而且質素一啲都唔差，手握嘅飯完全唔同機做嘅壽司飯，口感鬆軟好多。拉麵份量唔多，但係足以滿足想食拉麵又想食壽司嘅慾望！我真係好為食，見隔離枱食串燒我又叫咗兩串，網燒牛舌香口得來食到牛舌獨有嘅口感，而且日式香料令到佢好惹味，仲有呢個黑豚荔枝卷串燒，黑豚嘅豬油同荔枝結合又香又甜。