影片
更多
2023-09-14
793 瀏覽
偶爾體驗一下菜式配搭、環境、服務俱佳嘅fine dining都係一種享受😌呢晚嚟到銅鑼灣告士打道嘅Amis，樓底高兼雅緻嘅環境空間感好好。晚市主要有$1380-5道菜／$1680-8道菜嘅tasting menu，由擁有18年經驗、係米芝蓮餐廳出身嘅⭐️主廚主理，可以體驗以不同食材同烹調方式化成嘅一道道彷如藝術品般精緻法日fusion菜式😎職員係用餐之前會展示整個menu會用上嘅矜貴食材，諸如魚子醬、鮑魚、金目鯛、龍蝦等等，令到對以後嘅菜式期待值大大提高🤩🤩Tasting menu會不時更新，保持新鮮感又可以食到最時令嘅食材👍🏻餐包餐前先奉上兩款麵包，分別有法包同黑啤sourdough🍻兩者皆外層脆口有麵粉香，sourdough會食到啲烘培香😍可以分別配上煙燻香草牛油同芝麻牛油食，香草牛油非常香😙Amuse Bouche3款開胃菜都好精緻🥰先有牛肉加上山藥泥做成牛肉他他，配脆餅同魚子醬，牛肉軟滑肉味濃。仲有煙肉薯仔洋蔥Croquette，香脆惹味。更特別仲有用法國哈密瓜以分子料理形式做成嘅波波，配Parma ham同紅桑子醬，一咬開波波就食到香甜哈密瓜汁🍈幾特別😗😗Surume Ika
餐包
餐前先奉上兩款麵包，分別有法包同黑啤sourdough🍻兩者皆外層脆口有麵粉香，sourdough會食到啲烘培香😍可以分別配上煙燻香草牛油同芝麻牛油食，香草牛油非常香😙
Amuse Bouche
3款開胃菜都好精緻🥰先有牛肉加上山藥泥做成牛肉他他，配脆餅同魚子醬，牛肉軟滑肉味濃。仲有煙肉薯仔洋蔥Croquette，香脆惹味。更特別仲有用法國哈密瓜以分子料理形式做成嘅波波，配Parma ham同紅桑子醬，一咬開波波就食到香甜哈密瓜汁🍈幾特別😗😗
Surume Ika | Kristal Caviar
日本烏賊輕輕火炙後配以海膽cream同洋蔥cream，些微鹹香嘅醬汁同彈牙烏賊都幾夾😛😛
Hokkaido Uni Cup | Lily Blossom Mousse一上枱噴哂煙，視覺效果一流🤩🤩，仲飄來白蘭花香🌸北海道海膽下墊有龍蝦清湯啫喱，海膽味道香濃，質感唔係入口即化，而係較實在creamy，可以慢慢細味😗啫喱食到好純粹好香嘅龍蝦味🦞中間有帶少少鹹香嘅泡沫，整體味道口感皆具層次👍🏻
Abalone Barley Risotto
磯煮南非鮑魚配薏米risotto，鮑魚超彈😋😋調味剛好。底下用鮑魚汁煮過嘅risotto帶點chewy口感，仲食到爽口洋蔥🧅
Red Amadai | Shungiku
非常花功夫嘅金鯛立麟燒👏🏻👏🏻將魚麟炸至豎起，咬落鬆脆如薯片，但魚肉依然鮮嫩。湯汁清清地都幾夾，仲有春菊蓉。面頭嘅花唔止係裝飾，想增添層次仲可以加入花蕊🌸一齊食😆
Remy Martin Lobster Soup
採用緬因州龍蝦🦞彈牙嘅原隻龍蝦鉗特別鮮甜😋😋底下用上北海道夢美人飯，上枱時淋上用龍蝦膏餚製而成嘅湯汁，最後噴上干邑🍸吊起海鮮鮮味，龍蝦香味恰到好處。連同脆米一齊食口感更豐富。
Hokkaido Tokachi Mirai Beef
主菜三選一，採用北海道十勝牛肩脊，名為未來牛，好特別嘅名🤣🤣肉質軟嫩肉味濃，沾少少極香濃嘅黑椒汁或山葵食都唔錯。仲有好腍好rich嘅牛面頰😻😻伴碟嘅蘑菇醬都好香濃😋
French Duck Breast
未正式上枱前先展示煙燻木盒，血鴨鴨胸以蘋果木🍎同禾稈草🪵煙燻再慢煮，煙燻香味滲入非常軟腍嘅鴨胸😚特別在啲血會流返入鴨胸內，所以肉味零舍濃縮😻😻係我食過味道最rich嘅鴨胸🫶🏼上菜前先會再用蜜糖以焦糖化形式煎香鴨皮，多咗一份甜香。伴碟清新嘅青瓜卷蘋果蓉加黑蒜醬，以及酸甜嘅煮無花果令整體層次昇華🌟
Refreshment
呢個間場環節都好認真兼好睇🤪用上紀州蜜柑汁，用嚟釀sauvignon Blanc嘅白葡萄汁液同sparkling water，最後更會加入燒香過嘅橙皮，味道好酸甜清新，冇酒精但有少少酒嘅感覺🤣
Dessert Du Chef
解體版楊枝甘露，有碌柚粒、香甜芒果粒、芒果蓉🥭牛奶雪糕🍦酸酸甜甜，面頭有脆卜卜蛋白餅，可以敲碎同下面配料一齊食。
Petit Fours
分別有海鹽焦糖朱古力，Mille feuille白朱古力、Madeline，用通花木盒盛載好elegant。朱古力稍甜，madeline都唔錯，食到啲橙皮香味🍊
人均消費：$1800
推介指數（10分為滿分）：8分
張貼
