影片
更多
2008-06-05
11 瀏覽
早幾日結婚一週年紀念, 到高級的美國扒房ruth's chris'据扒慶祝, 所以我早一星期已訂定位, 並要求卡座, 而且叫餐廳email左個menu比我參考, 所以食咩已經心裡有數, 訂位時佢地已問定我係普通晚飯定係有特別日子要慶祝, 他們會記錄在案, 未食已感受到佢地餐廳的專業同誠意!! 一去到已有人接待, 佢地見到我的花束就同我地講happy anniversary, 之後便請我地到卡座坐下, 其實呢度d客人大部份是西人, 所以服務員有一半係香港人, 另一半係講英文的西人, 我地由一個後生而且講廣東話的男服務員serve我地, 他一開始詳細介紹d食物, 例如無骨牛(filet, strip, rib-eye)係美國牛, 有骨(t-bone, porterhouse)係澳洲牛等等, 我地諗完後就叫左一個set 加多一個t-bone, 因為呢間美國扒房的食物份量不嬲都唔少架, 所以應該夠食.....首先奉上左一條有6片的熱法包, 並配上應該係自家製的淡味軟牛油, d牛油非常軟滑, 配法包真是一絕, 估唔到美國餐廳都有如此出色的餐前麵包, 個set有一杯sparkling whit
一去到已有人接待, 佢地見到我的花束就同我地講happy anniversary, 之後便請我地到卡座坐下, 其實呢度d客人大部份是西人, 所以服務員有一半係香港人, 另一半係講英文的西人, 我地由一個後生而且講廣東話的男服務員serve我地, 他一開始詳細介紹d食物, 例如無骨牛(filet, strip, rib-eye)係美國牛, 有骨(t-bone, porterhouse)係澳洲牛等等, 我地諗完後就叫左一個set 加多一個t-bone, 因為呢間美國扒房的食物份量不嬲都唔少架, 所以應該夠食.....
首先奉上左一條有6片的熱法包, 並配上應該係自家製的淡味軟牛油, d牛油非常軟滑, 配法包真是一絕, 估唔到美國餐廳都有如此出色的餐前麵包, 個set有一杯sparkling white wine, d味道甜甜地, 界乎ice wine同香檳之間的味道, 都幾好味!!
餐湯係一個辣辣地的海鮮湯, 細心的服務員已幫忙分為兩小碗, 湯並無太多的海鮮味, 只有一點像日本咖哩的味道, 再加上湯中有一舊飯....怪怪的....
到上主菜啦, 太太點的us prime petite filet (8oz) with lobster tail($950的set)和老公的t-bone steak ($580)分別送上, 我地兩個都係叫medium-well, 但其實個碟非常熱, 好似鐵板一樣, 所以服務員再三提醒我地小心碟邊, 牛扒只用左少量的黑椒和番茜調味, 並加上少量濃濃的牛油… 太太的頂級牛柳口感豐富和juicy, 配上英式芥末, 而龍蝦尾亦已起肉, 爽口非常
而我的 Australian t-bone 雖然無porterhouse咁大, 但係味道和口感一樣, 佢的係一邊係strip, 一邊係filet, 滿足貪心的我, filet個邊d texture取勝, strip個邊肉味濃郁....唔駛點任何醬料已經非常美味和滿足..
因為香港只有很少地方可以試到au gratin的食物, 所以side dish我地選擇左au gratin, 即係法式的芝士焗薯, 其實食完牛扒後其實我兩已飽飽....所以呢個咁膩的side dish都係食左 一半就算.....
坐左一陣, 同太太談心後, 服務員為我們介紹甜品, 他們真係攞4 種實物甜品介紹比我地, 真有趣.....有chocolate sin cake, creme brulee, new york cheese cake 同breading pudding, 其實我們叫的set包左的一個甜品, 另外可加上$25改desert menu上的甜品, 我地要左一個cheese cake, 點知餐廳送左 一個bread pudding with whiskey sauce恭賀我地結婚一週年....真係好surprised......其實我地已經飽9成, 所以都係每樣試左少少, d cheese 同 cream非常滑溜, 比出面d餅店好多二十幾蚊一件的cheese cake 好得多, 最後我地要take away 回家慢慢嘆..…
最後我地飲埋壺比平時香濃的lemon tea來消滯後便結賑
不得不提佢地的服務真的是一絕, 由高級到低級都做到一致, 令到客人有賓至如歸的感覺, 由介紹菜式, 凍就主動調低空調溫度, 提醒我地小心梯級同埋隻碟好熱, 食完會問你好唔好食, 係咪第一次來.........所有都令人感受到佢地的專業, 熱情, 誠意, 雖然未必係全港最好, 但係已經係比很多五星級大酒店好得多, 佢地真係要向呢間餐廳學習學習!!
埋單$1,793(包一樽still water), 不便宜…………但食物同服務水準皆一流, 值得推介, 喜愛食牛扒的更加不可錯過!!
張貼
