影片
更多
2021-04-26
3218 瀏覽
早排窮L幫主P先生生日，有朋友C小姐相約安排生日飯局，地點就揀咗大家都近嘅旺角區兼啱啱由L'Hotel改咗名做Nina Hotel旗下旺角薈賢居(Lodgewood by Nina Hospitality) 嘅Canton Pot，自限聚令，已經好耐無打過邊爐，雖然依家有返晩市堂食(只可去到晚上10點)，但只限4人，第4位朋友就係K先生，C小姐就booked咗一間細VIP房，回想當年響呢度打邊爐，我哋係成8個10個一齊，成枱嘢食先夠震撼，唔知幾時先可以一大班朋友坐埋一齊食飯。人未到齊，先點咗一壺竹蔗茅根水同一壺洛神花茶，竹蔗茅根水清甜解渴，而洛神花茶我就無飲到，之後仲叫咗枝Estrella Damm Inedit嘅啤酒，由窮L幫主自己一個隊哂，不過仍然戒緊酒嘅我就當然無飲；未點湯底前先混一混醬，有2行共12款醬料，其中一行有蔥花、蒜蓉、豆瓣醬、日式胡麻醬、金蒜粒同鮮洋蔥粒，另一行就有指天椒、廖孖記腐乳、自家製麻辣醬、花生醬、潮州辣椒油、同自家製沙爹醬，另外再叫服務員攞最近市場上人氣急升嘅食材：芫茜，無芫茜點打邊爐呀？湯底就點咗花膠燉響螺湯拼韓牛肋骨湯，牛就有點咗本地新鮮牛頸脊、美國頂級
早排窮L幫主P先生生日，有朋友C小姐相約安排生日飯局，地點就揀咗大家都近嘅旺角區兼啱啱由L'Hotel改咗名做Nina Hotel旗下旺角薈賢居(Lodgewood by Nina Hospitality) 嘅Canton Pot，自限聚令，已經好耐無打過邊爐，雖然依家有返晩市堂食(只可去到晚上10點)，但只限4人，第4位朋友就係K先生，C小姐就booked咗一間細VIP房，回想當年響呢度打邊爐，我哋係成8個10個一齊，成枱嘢食先夠震撼，唔知幾時先可以一大班朋友坐埋一齊食飯。
人未到齊，先點咗一壺竹蔗茅根水同一壺洛神花茶，竹蔗茅根水清甜解渴，而洛神花茶我就無飲到，之後仲叫咗枝Estrella Damm Inedit嘅啤酒，由窮L幫主自己一個隊哂，不過仍然戒緊酒嘅我就當然無飲；未點湯底前先混一混醬，有2行共12款醬料，其中一行有蔥花、蒜蓉、豆瓣醬、日式胡麻醬、金蒜粒同鮮洋蔥粒，另一行就有指天椒、廖孖記腐乳、自家製麻辣醬、花生醬、潮州辣椒油、同自家製沙爹醬，另外再叫服務員攞最近市場上人氣急升嘅食材：芫茜，無芫茜點打邊爐呀？
湯底就點咗花膠燉響螺湯拼韓牛肋骨湯，牛就有點咗本地新鮮牛頸脊、美國頂級無骨牛肋片同騸牯黃牛吊龍，豬就有西班牙橡果黑豚肉，海鮮就有海中蝦，仲有四寶丸、精選餃子拼盤、響鈴卷、酥炸魚皮，蔬菜就點咗皇帝菜、有機菠菜同山藥，最尾加咗一客三色麵拼盤。
芫茜牛肉
14 瀏覽
0 讚好
0 留言
湯底一滾，率先飲咗花膠燉響螺湯，湯頭清甜、花膠嫩滑，人越嚟越大，就要補一補；再食埋另一邊湯底嘅牛肋骨，肉質細嫩，夠哂入味，真係一分錢一分貨。
美國頂級無骨牛肋片
$99
20 瀏覽
0 讚好
0 留言
騸牯黃牛吊龍
$184
19 瀏覽
0 讚好
0 留言
食咗3款牛，本地新鮮牛頸脊、美國頂級無骨牛肋片同騸牯黃牛吊龍，牛頸脊係牛頸位下橫膈膜後嘅部位，肉質鮮嫩爽滑，肉味濃郁；牛肋片肩腹肉後方嘅部位，油花均勻，肉質嚼勁；吊龍，牛嘅兩邊腰脊肉，又叫肉眼邊，油脂豐富，香滑可口。
西班牙橡果黑豚肉
$258
14 瀏覽
1 讚好
0 留言
海中蝦
$149
17 瀏覽
0 讚好
0 留言
西班牙橡果黑豚肉，係食橡果嘅豬，令到豬肉帶有獨特嘅榛子芳香，味清不燥；海中蝦上枱時仲識郁，非常新鮮，肉質彈牙鮮甜。
四寶丸
$98
7 瀏覽
0 讚好
0 留言
四寶丸有鯪魚球丸、豬肉丸、蝦丸同墨魚丸，全部都自家製，肉嫩彈牙，我較為鍾意係蝦丸同墨魚丸；而精選餃子拼盤有羊肚菌豚肉餃、海皇餃同泡菜野菌餃，喜歡食餃子嘅我，皮薄餡鮮，全部都好食，我比較鍾意嘅係羊肚菌豚肉餃，裏面餡料足又夠多汁。
山藥
$58
7 瀏覽
0 讚好
0 留言
另外響鈴卷同酥炸魚皮，響鈴卷新鮮即炸，一上枱已可即食，熱辣辣酥脆香口；酥炸魚皮一樣脆香惹味；而蔬菜我只食了山藥同有機菠菜，山藥健脾補肺，仲要唔係咁多火鍋有得食，想食爽脆嘅山藥就唔好淥咁耐，而淥耐啲就會有粉嘅質感，視乎自己想食爽定粉；有機菠菜健康又爽甜。
三色麵拼盤，有蕎麥麵、菠菜麵同蝦籽麵
$58
14 瀏覽
0 讚好
0 留言
最後追加咗一客三色麵拼盤，有蕎麥麵、菠菜麵同蝦籽麵，單看麵嘅乾爽程度已經覺得啲麵好食，全部麵都爽口彈牙，我就比較鍾意蝦籽麵，可清楚食到蝦籽嘅鹹香味，基本上我真係好鍾意食麵，可以一日5餐都食麵。
拿破崙蛋糕
11 瀏覽
0 讚好
0 留言
已經非常飽，想點甜品/糖水之時，爭啲忘記咗仲有窮L幫主嘅生日蛋糕，好彩截得切啲糖水，唔係就浪費，生日蛋糕係芒果拿破崙，芒果鮮甜，千層酥皮仍然酥香鬆化，吉士醬質地濃厚，甜度適中，窮L幫主P，生日快樂。
張貼
