影片
更多
2022-08-13
66 瀏覽
成日經過都聞到好香又好大個玻璃位見到人地食得好開心又聽過朋友推薦話佢啲麻辣好正成日都話想試下今日終於夾到時間試試佢啦🥳成都老碼頭 門口同入面裝修都有擺心機 係古色古香宮廷風入到去坐底 店員就簡介下調味料出去自助既 仲俾左個細密實袋俾我地裝口罩 幾細心 穩陣起見我哋決定要一邊辣一邊唔辣 $188😂但都見佢有香港風味同成都風味雖然唔知有咩分別 但梗係簡番佢地主打成都風味啦 另一邊就簡左豬骨湯成都原味 - 無渣紅油麻辣湯（小辣）上到黎真係成盤都紅油咁見到既野就係辣椒同埋一粒粒花椒見到都覺得辣但食落個辣度都OK 原本以為會好油 但食落又唔會淨係覺得啲麻辣好正😂豬骨湯有啲冬菇京蔥杞子紅棗望落健康 仲同旁邊嘅紅油有強烈嘅對比😂然後出去拎調味料佢有一碟係已經幫大家調好左既老碼頭火鍋秘製香油即係咩都有啲咁 我就拎左一碟呢個再另一碟拎左啲其他既配料但係我之後打邊爐都淨係用咗秘製香油個一碟真係幾好味😂另外 旁邊仲有兩份生果可以拎 係柑同切好咗嘅火龍果火鍋嘢食方面 部分可以選擇可以揀一份或者半份 我哋兩個人嚟食嘅話幾好 可以試多啲嘢老友鬼鬼墨魚滑 半份 $58唔係間間打邊爐都有嘅墨魚滑配油炸鬼佢喺個面度仲有
又好大個玻璃位見到人地食得好開心
又聽過朋友推薦話佢啲麻辣好正
成日都話想試下
今日終於夾到時間試試佢啦🥳
成都老碼頭
門口同入面裝修都有擺心機 係古色古香宮廷風
入到去坐底 店員就簡介下調味料出去自助既 仲俾左個細密實袋俾我地裝口罩 幾細心
穩陣起見我哋決定要一邊辣一邊唔辣 $188😂
但都見佢有香港風味同成都風味
雖然唔知有咩分別 但梗係簡番佢地主打成都風味啦
另一邊就簡左豬骨湯
成都原味 - 無渣紅油麻辣湯（小辣）
上到黎真係成盤都紅油咁
見到既野就係辣椒同埋一粒粒花椒
見到都覺得辣
但食落個辣度都OK
原本以為會好油 但食落又唔會
淨係覺得啲麻辣好正😂
豬骨湯
有啲冬菇京蔥杞子紅棗
望落健康 仲同旁邊嘅紅油有強烈嘅對比😂
然後出去拎調味料
佢有一碟係已經幫大家調好左既
老碼頭火鍋秘製香油
即係咩都有啲咁 我就拎左一碟呢個
再另一碟拎左啲其他既配料
但係我之後打邊爐都淨係用咗秘製香油個一碟
真係幾好味😂
另外 旁邊仲有兩份生果可以拎 係柑同切好咗嘅火龍果
火鍋嘢食方面 部分可以選擇可以揀一份或者半份
我哋兩個人嚟食嘅話幾好 可以試多啲嘢
老友鬼鬼墨魚滑 半份 $58
唔係間間打邊爐都有嘅墨魚滑配油炸鬼
佢喺個面度仲有啲蟹子
淥一陣就食得 吸左啲麻辣湯又惹味左
澳洲雪花肥牛 半份 $82
份量都差唔多有10塊
個樣同都靚既 唔會太肥
唔會雪得太耐成舊硬左咁
老碼頭筷子牛肉 1份 $88
見到個名幾特別所以叫左黎試吓
原來係切成左一條條醃左嘅牛肉
口感幾滑 淥耐左都唔會變到好韌
桂花蚌 半份 $82
大推 新鮮爽口 又唔會切到太細舊
搞到淥淥下唔見左
依家呢個大細啱啱好
淥幾十秒就食得 又爽口好食😋
即炸響鈴 1份 $48
6大舊 一上個時仲脆既
隊左淥紅油個邊淥幾秒 掂一掂啲醬就食得
索曬啲湯 爽😂
台灣水蓮菜 1份 $48
點都要叫返啲菜食下
但見到呢個比較少見嘅特色菜
上到枱原來全部都係一條條好似韭菜咁樣嘅
口感係爽口嘅唔會老或者有渣
同埋唔會好索汁 即使放紅油個邊都唔怕
泰國椰青 $39
打邊爐有椰青飲 爽囉😆
但開口太細 無得不啲肉出黎食
總結
鐘意食辣野既一定鐘意
野食上都多選擇 牛都有十幾款 仲有特色野 又有啲特色小食eg黑糖糍粑
價錢原本覺得少少貴
但原來7:30前離座或者9:30後入座都有8折定68折
成件事即刻抵左好多😂
咁多嘢食 我哋買單平均$300一個
張貼
