申子居酒屋

營業中

休息中

今日約咗個好朋友食飯， 朋友話帶我食好嘢，帶左我到旺角嘅申子居酒屋晚餐，呢度環境舒適座位寬敞，裝修佈置都好有日本風格。 火炙大蝦讚岐手打烏冬：呢碗烏冬真係要大讚， 一放上枱已經聞到好香櫻花蝦嘅味道， 大蝦新鮮彈牙火炙帶黎微焦香口感更豐富 ， 濃郁嘅湯底 加上順滑嘅烏冬， 更添美味。 蓬鬆玉子：每次去到日本餐廳我必叫玉子燒，申子居酒屋嘅蓬鬆玉子好有驚喜， 蛋味濃郁，師傅烹調時間掌握得恰到好處， 玉子中間係半熟蛋及香濃芝士， 令人忍唔住一口接一口。 吉列三重芝士千層豚肉：黃金色嘅吉列外皮酥脆可口， 內層豚肉肉質鮮嫩加上重量級嘅芝士， 口感豐富有層次。 和風麻醬豆腐沙律：豆腐嫩滑蕃茄鮮甜， 沙律菜新鮮翠綠加上胡麻醬汁 清新醒胃。