影片
更多
2024-09-07
482 瀏覽
第一次食時候已經係幾年前，今次再訪覺得多咗好多小食選擇，同埋多咗啲生酮野。本身想減肥先食呢間，但係又覺得佢啲奶昔好吸引，所以最後都係安慰自己下次再減。餐廳位置方便，但未至於好易搵，所以先叫隱世。總結係味道都好令人滿意，嚟緊應該會三訪。‣ 香草白酒芝士藍青口配法包 $128‼️超級推薦‼️佢嘅醬汁調配得好好，夠晒creamy濃郁，啲芝士又可以拉絲。青口又大大隻，個法包有蒜蓉係面，烤得啱啱好又香口，夾埋一齊超級好食。‣ 西班牙火腿蜜瓜 $78佢嘅蜜瓜勁大條又甜，真係懷疑有半個蜜瓜係到，超級抵食，夾埋啲火腿一齊食超好食，呢個配搭真係冇得輸。火腿口感柔軟，鹹香味唔算好重，所以成道菜相對上都比較清新。‣ 蜜糖咖哩脆雞 $88雞肉相當多汁嫩滑，炸得勁好，唔會話好厚皮。雖然係蜜糖咖喱味，但係相對上佢嘅蜜糖味比較重少少，但係因為醬汁唔係好多，所以都唔會話太過甜膩，反而我又幾滿意呢一個安排。‣ 伊比利亞煙燻豬架 $228佢嘅豬架搬上枱嘅時候勁有氣氛，個賣相真係加晒分。佢嘅薯蓉唔至於打到好幼滑，但係有啲薯仔喺到就令到個薯蓉更加有口感。豬架肉質雖然相對上比較紮實，但係唔嚡口，所以我都幾滿意。搭配啲酸酸甜甜嘅生果
‣ 香草白酒芝士藍青口配法包 $128
‼️超級推薦‼️佢嘅醬汁調配得好好，夠晒creamy濃郁，啲芝士又可以拉絲。青口又大大隻，個法包有蒜蓉係面，烤得啱啱好又香口，夾埋一齊超級好食。
‣ 西班牙火腿蜜瓜 $78
佢嘅蜜瓜勁大條又甜，真係懷疑有半個蜜瓜係到，超級抵食，夾埋啲火腿一齊食超好食，呢個配搭真係冇得輸。火腿口感柔軟，鹹香味唔算好重，所以成道菜相對上都比較清新。
‣ 蜜糖咖哩脆雞 $88
雞肉相當多汁嫩滑，炸得勁好，唔會話好厚皮。雖然係蜜糖咖喱味，但係相對上佢嘅蜜糖味比較重少少，但係因為醬汁唔係好多，所以都唔會話太過甜膩，反而我又幾滿意呢一個安排。
‣ 伊比利亞煙燻豬架 $228
佢嘅豬架搬上枱嘅時候勁有氣氛，個賣相真係加晒分。佢嘅薯蓉唔至於打到好幼滑，但係有啲薯仔喺到就令到個薯蓉更加有口感。豬架肉質雖然相對上比較紮實，但係唔嚡口，所以我都幾滿意。搭配啲酸酸甜甜嘅生果一齊食，突顯返豬嘅香味。
‣ 曲奇朱古力奶昔 $68
呢一杯真係邪惡嘅極致，真係可以滿足到想食雪糕嘅人嘅慾望。曲奇朱古力味真係冇得輸，再加埋啲爆谷喺隔離做裝飾，成杯嘢飲嘅賣相真係一流。面頭有啲鮮奶油，但係搭配埋一齊飲，唔會覺得好膩。
‣ 熱情果接骨木花茶 $56
佢嘅熱情果接骨木花茶嘅賣相就好似個花樽咁，如果唔知佢係嘢飲擺上枱，會以為佢係裝飾品。佢嘅熱情果味同埋接骨木花茶味都好濃郁，唔會話好甜，加埋啲小食一齊食，可以令到個感覺更加清新。
張貼
