阿來泰式地道風味

營業中

休息中

今日收工約咗朋友去咗旺角食晚餐，今日佢話想食泰國菜所以就去返之前平時食開嗰間泰國餐廳食，今次我哋叫咗個二人餐非常之抵食！包括有冬陰功，青咖喱可以選雞牛豬，炸蝦餅，仲有通菜同埋兩碗飯，如果唔想食飯可以加$10換蒜蓉包，另外仲有兩杯嘢飲添。冬陰功入面非常足料，起碼有三大隻蝦飲落酸酸辣辣非常之開胃。青咖喱今次我哋就揀咗要牛肉，啲牛肉非常之嫩滑而且份量都唔少另外青咖喱食落仲有濃郁嘅椰香味入口順滑，我地將其中一碗飯加錢轉左蒜蓉包啲蒜蓉包，成個包烤得非常之香口吸晒啲青咖喱汁真係超正！炸蝦餅每次食親泰國菜都一定要點！炸蝦餅件件都非常之飽滿入口非常彈牙同埋個甜辣醬口感更加豐富。飛天通菜通菜入口爽甜脆嫩，鹹鹹辣辣再配埋個油飯一齊食非常之有泰式風味。