影片
更多
2021-12-31
26 瀏覽
平時去旺角都會好煩惱食咩好，因為真係無乜得揀，但朋友話最近通菜街有新店登場。麵賜園位於通菜街，門口有大大個霓虹燈吸引視線，主打自家熬製的湯麵，仲有飯類及小食，最特別係選用本地烘焙嘅咖啡豆，立即心郁郁叫一杯。餐牌除了海鮮、肉類外，還有不少素食款式，找素人士都好多嘢揀。◽️ 鐵三角蠔蝦蟹海鮮湯麵 $118材料相當豐富，有海中蝦、松葉蟹肉、新鮮元貝、香燒日本生蠔，大大隻海中蝦肉質彈牙；元貝鮮甜；生蠔蠔味濃郁；松葉蟹肉好鮮，湯底則以10多斤新鮮海魚熬製，濃厚得來又鮮味滿滿，加上彈牙的扁麵條，集多種鮮味於一身。另外有一碟中華沙律，酸酸地好開胃。見到餐牌仲有雞湯麵，好似好吸引，下次一定要試。◽️ 日本舞茸雜菌籠仔蒸飯 $88上桌時香噴噴又夠熱，米飯粒粒分明，加上舞茸菇香、濃郁松露香，每口都好好味，而墊底的荷葉同時為米飯更添上一份荷葉香，吃光光後完全無太多負擔感，記得最後可以淋少少豉油更香氣。◽️ 素香蕉蕊煎餅 晚餐跟餐 $30本身以為是甜的，原來是鹹點！食落有啲似藕餅嘅質感，都幾香口。▪️ 本地烘焙咖啡 $40店內嘅烘焙咖啡豆會不定期更換，今次飲嘅係剛果咖啡豆，係一款酸度較低的nutty風味咖啡豆。咖啡油
平時去旺角都會好煩惱食咩好，因為真係無乜得揀，但朋友話最近通菜街有新店登場。麵賜園位於通菜街，門口有大大個霓虹燈吸引視線，主打自家熬製的湯麵，仲有飯類及小食，最特別係選用本地烘焙嘅咖啡豆，立即心郁郁叫一杯。
餐牌除了海鮮、肉類外，還有不少素食款式，找素人士都好多嘢揀。
鐵三角蠔蝦蟹海鮮湯麵
14 瀏覽
0 讚好
0 留言
鐵三角蠔蝦蟹海鮮湯麵
28 瀏覽
0 讚好
0 留言
◽️ 鐵三角蠔蝦蟹海鮮湯麵 $118
材料相當豐富，有海中蝦、松葉蟹肉、新鮮元貝、香燒日本生蠔，大大隻海中蝦肉質彈牙；元貝鮮甜；生蠔蠔味濃郁；松葉蟹肉好鮮，湯底則以10多斤新鮮海魚熬製，濃厚得來又鮮味滿滿，加上彈牙的扁麵條，集多種鮮味於一身。另外有一碟中華沙律，酸酸地好開胃。
見到餐牌仲有雞湯麵，好似好吸引，下次一定要試。
日本舞茸雜菌籠仔蒸飯
15 瀏覽
0 讚好
0 留言
◽️ 日本舞茸雜菌籠仔蒸飯 $88
上桌時香噴噴又夠熱，米飯粒粒分明，加上舞茸菇香、濃郁松露香，每口都好好味，而墊底的荷葉同時為米飯更添上一份荷葉香，吃光光後完全無太多負擔感，記得最後可以淋少少豉油更香氣。
◽️ 素香蕉蕊煎餅 晚餐跟餐 $30
本身以為是甜的，原來是鹹點！食落有啲似藕餅嘅質感，都幾香口。
▪️ 本地烘焙咖啡 $40
店內嘅烘焙咖啡豆會不定期更換，今次飲嘅係剛果咖啡豆，係一款酸度較低的nutty風味咖啡豆。咖啡油脂豐厚，非常滑口，堅果、朱古力風味層層滲出，仲有花香環繞口腔，作為一杯飯後啡適合不過！
▪️ 夠薑鐵觀音 晚餐跟餐$18
真係超級夠薑，夠哂辣口，冬天一飲暖胃又驅風。
張貼
