影片
更多
2024-08-20
145 瀏覽
💡旺角窮L打卡cafe最近留意到旺角有一間餐廳，打正旗號話係窮L賣咖啡，個名真係出位。今日約朋友去試下啲野好唔好食先。餐廳有兩層，空間都幾闊落，幾適合約幾個朋友去輕鬆一聚。🍽蟹肉明太子蛋餅🦀上菜時已經覺得十分之吸引，蛋餅上面鋪咗一堆嘅明太子，加上切開蛋餅時見到入面嘅蛋汁慢慢咁樣流出嚟，滿滿嘅視覺效果。食落蟹肉十分之嫩滑，蛋味亦都十分之濃，好好味。🍽瘋狂芝士大啡菇多士🧀呢個都係十分之推介，芝士味濃而不膩，個多士好脆，點埋芝士一齊食真係好滿足，嗰啲菇都十分之香口，入面有杏鮑菇，大啡菇加埋切件嘅蘑菇，個人嚟講呢就最鍾意食嗰啲蘑菇。🍽慢煮牛面頰港式煎腸粉🥩牛面頰份量好足料，好在最近有做運動quota多返少少，食多多都無有怕，個煎腸粉加埋沙爹汁十分之夾，亦都十分之少見，配埋呢個牛面頰加腸粉，真係一個豪華版嘅牛肉腸粉。🍽香橙蜜柑梳打🍹賣相好特別，有片橙擺咗喺個杯上面，打卡效果滿滿，飲落清新可口，好推介而家咁熱既天氣解解暑。🍽海鹽焦糖肉桂蘋果牛角包窩夫🧇黎到cafe當然係要食埋甜品先走啦，最後以窩夫作為一個完美嘅句號。 窩夫好香脆可口，配埋呢雲呢拿雪糕一齊食又係一個perfect match。其實食
最近留意到旺角有一間餐廳，打正旗號話係窮L賣咖啡，個名真係出位。今日約朋友去試下啲野好唔好食先。餐廳有兩層，空間都幾闊落，幾適合約幾個朋友去輕鬆一聚。
🍽蟹肉明太子蛋餅🦀
上菜時已經覺得十分之吸引，蛋餅上面鋪咗一堆嘅明太子，加上切開蛋餅時見到入面嘅蛋汁慢慢咁樣流出嚟，滿滿嘅視覺效果。食落蟹肉十分之嫩滑，蛋味亦都十分之濃，好好味。
🍽瘋狂芝士大啡菇多士🧀
呢個都係十分之推介，芝士味濃而不膩，個多士好脆，點埋芝士一齊食真係好滿足，嗰啲菇都十分之香口，入面有杏鮑菇，大啡菇加埋切件嘅蘑菇，個人嚟講呢就最鍾意食嗰啲蘑菇。
🍽慢煮牛面頰港式煎腸粉🥩
牛面頰份量好足料，好在最近有做運動quota多返少少，食多多都無有怕，個煎腸粉加埋沙爹汁十分之夾，亦都十分之少見，配埋呢個牛面頰加腸粉，真係一個豪華版嘅牛肉腸粉。
🍽香橙蜜柑梳打🍹
賣相好特別，有片橙擺咗喺個杯上面，打卡效果滿滿，飲落清新可口，好推介而家咁熱既天氣解解暑。
🍽海鹽焦糖肉桂蘋果牛角包窩夫🧇
黎到cafe當然係要食埋甜品先走啦，最後以窩夫作為一個完美嘅句號。 窩夫好香脆可口，配埋呢雲呢拿雪糕一齊食又係一個perfect match。其實食到甜品既時侯已經有d飽，但一放落口實係一啖接一啖停唔到手。
張貼
