牛丼家

營業中

休息中

經過餐廳樓下見到宣傳緊～ 拎張舊嘅學生證都可以有優惠。 以旺角咁就腳嘅地段嚟講，呢個牛肉飯快餐都幾抵食！🥢牛魔王飯 + 炸雞套餐 + 味噌湯其實有點像牛肉漢堡。餐廳主打和牛提煉的牛油，再配上柚子醋及其他秘製醬料。將牛魔王汁淋在白飯上，然後撈勻白飯。先食一啖飯，再一啖肉。滿滿感受到肉質鮮嫩，風味濃郁。真係非常吸引。 最後，根據指示咁食白薑片，可以清空味蕾同時解膩。套餐炸雞今次都幾新鮮，外酥肉嫩，同牛肉飯完美配合。仲揀左個味噌湯，都幾唔錯～🥢咖哩牛肉飯 + 公魚仔套餐 + 白桃汁另一個就揀咗咖哩系列。香濃咖哩有點似日式咖哩味道。同牛肉一齊食，完全可以挑戰牛肉一哥嘅地位。套餐冇揀菜就揀咗炸公魚仔。有D似大條嘅白飯魚。炸得金黃酥脆，魚肉細膩，為套餐增添獨特風味。 最後飲品揀咗白桃汁。甜度剛好，可以話係餐後飲品。