URBAN Cafe (彌敦道)

營業中

休息中

呢度係旺角好有名嘅貓貓cafe，佢哋啲貓貓好多種類，好多都好乖，會喺人面前行嚟行去，可以好易就摸到佢哋。而且呢度無入場費。只要你去食嘢就可以同貓貓玩。佢哋嘅2人餐最超值，有齊餐湯、沙律、主菜、意粉同埋兩杯飲品。唔夠仲可以加錢有多個小食拼盤。是日餐湯：今次係南瓜忌廉湯，有絲絲南瓜蓉，用料十足。是日沙律：清新清爽嘅沙律菜，仲有清甜嘅生果。滋味2人小食拼盤拼盤入面有雞軟骨餃子，唐揚雞塊，薯角，香脆可口，食唔停口。即磨芝士黑松露野菌忌廉意大利飯：意大利飯嘅火候控制得宜，飯嘅軟硬度適中，仲好Creamy，飯入面仲有野菌增加口感，而黑松露嘅味道較想像中突出。最後仲有即磨嘅芝士，撈勻佢令意大利飯多添一份奶香味。意式辣肉腸拉絲水牛芝士手工薄餅：餅皮香脆，上面搽滿羅勒薪茄醬，再鋪上水牛芝士，辣肉腸，粟米，車厘茄等配料，用料十足，味道豐富。