吉列牛忌廉烏冬專門店 (彌敦道) (已結業)

首爾弘大人氣吉列牛專門店，可以自己控制理想熟度，亦有供應小食、釜飯等日本菜。幾年前試過依間餐廳一次，對忌廉烏冬念念不忘，到依家都仲係屹立不倒，生意都幾爆滿。黎得都唔洗諗，一定係食佢嘅吉列牛 + 忌廉烏冬！○ 咖 喱 忌 廉 雞 肉 烏 冬 // $88上枱真係好壯觀，滿滿一碗白滑忌廉，仲記得第一次食覺得好震撼。望落好似好厚既忌廉，其實好有空氣感，撥開就見到下面既咖喱汁烏冬，烏冬煙韌彈牙，雞肉滑嫩，每啖烏冬都掛住滑溜濃稠既醬汁，值得一試！○ 吉 列 牛 定 食 // $148定食除咗有主菜，仲有兩小碟前菜 (車厘茄 / 胡麻醬豆腐) + 麵豉湯，如果唔夠喉，可以 +$98 有多一份吉列牛。牛肉上枱時大概只有1成熟，所以要放上熱石爐加熱，可以自由控制生熟程度好方便，一路聽住燒肉 ᴀsᴍʀ 一邊食飯真係幸福感滿滿 ~吉列外皮超酥脆鬆化，肉質軟𣺉又 juicy，配上芥末沙律醬 / 燒汁，提升牛肉味道。○ 牛 油 蜜 糖 單 骨 雞 翼 // $68炸得香脆，牛油蜜糖味好濃郁，甜甜地令人食唔停口。ꕀ