影片
更多
2024-06-07
287 瀏覽
📍香港📍旺角📍權記潮麵館📍旺角通菜街47號地舖📍星期一至日 12:00~21:30💫 即使店舖位於小巷，平日嘅中午黎食都滿座。店員同老闆態度超級好！！今時今日呢啲粉麵店真係好難有咁好服務。感受到佢地好用心經營。絕對有下次。💫 二人枱都坐得舒服算闊落，唔系淨係放到两碗麵個種。食物選擇幾多又唔貴，份量足性價比高。🦄 鮮蝦雲吞河粉 $42五粒大雲吞，蝦肉好大隻仲要彈牙！！好食過某啲雲吞店！好足料所以好飽肚。🦄 招牌牛三寶幼麵 $56湯底唔會太咸我鐘意，我好怕啲好咸食完好口渴既湯底。腩，肚，筋既份量都好多，呢個價錢每樣野最少3舊，碗面已經見到4大舊牛肚。牛腩肥瘦適中肉質嫩，牛肚同牛筋都好Q彈煮得岩岩好。白蘿蔔清甜無渣。🦄 淨時菜冬菇 $40時菜可以揀生菜或者菜心。六大粒冬菇真係好Crazy，差唔多系两隻匙羹既Size。好入味火侯控制得好好，淋身好食。🦄 豆漿 跟餐+$8唔系死甜既豆漿，好解暑。座位上面仲整左個飲品圖，好貼心。仲有樽裝維他奶同沙士揀。🦄 豬肝配手工秘製辣椒油豬潤厚身入口好滿足，洗得好乾淨無奇怪既味道，配手工秘製辣椒油好夾！！辣椒油好香好特別，平時唔食辣既我都忍唔住要配豬潤食。#f
📍權記潮麵館
📍旺角通菜街47號地舖
📍星期一至日 12:00~21:30
💫 即使店舖位於小巷，平日嘅中午黎食都滿座。店員同老闆態度超級好！！今時今日呢啲粉麵店真係好難有咁好服務。感受到佢地好用心經營。絕對有下次。
💫 二人枱都坐得舒服算闊落，唔系淨係放到两碗麵個種。食物選擇幾多又唔貴，份量足性價比高。
🦄 鮮蝦雲吞河粉 $42
五粒大雲吞，蝦肉好大隻仲要彈牙！！好食過某啲雲吞店！好足料所以好飽肚。
🦄 招牌牛三寶幼麵 $56
湯底唔會太咸我鐘意，我好怕啲好咸食完好口渴既湯底。腩，肚，筋既份量都好多，呢個價錢每樣野最少3舊，碗面已經見到4大舊牛肚。牛腩肥瘦適中肉質嫩，牛肚同牛筋都好Q彈煮得岩岩好。白蘿蔔清甜無渣。
🦄 淨時菜冬菇 $40
時菜可以揀生菜或者菜心。六大粒冬菇真係好Crazy，差唔多系两隻匙羹既Size。好入味火侯控制得好好，淋身好食。
🦄 豆漿 跟餐+$8
唔系死甜既豆漿，好解暑。座位上面仲整左個飲品圖，好貼心。仲有樽裝維他奶同沙士揀。
🦄 豬肝配手工秘製辣椒油
豬潤厚身入口好滿足，洗得好乾淨無奇怪既味道，配手工秘製辣椒油好夾！！辣椒油好香好特別，平時唔食辣既我都忍唔住要配豬潤食。
#foodieschu旺角
張貼
