部屋咖啡室

喺旺角中心地帶要搵一個地方chill下hea下，呢間café係一個唔錯既選擇，餐廳地方雖然唔大，但每枱坐位都好濶落，坐得好舒服。Café仲提供好多board game 比顧客玩，種類多到數唔哂，梗揀到一款啱玩既! 唔玩game的話都仲可以拎本旅遊書睇下。叫左個二人套餐慢慢食住hea下，套餐有炸蟹餅、任選一個10吋手拉pizza、意粉或飯一客，同餐飲2杯，咁多嘢食都只係$308，抵食!炸蟹餅 : 又香又彈牙，好食!香辣虎蝦海鮮意粉 : 好多配料，有虎蝦、青口蜆肉、魷魚，洋蔥同青椒，茄醬加左tabasco，酸中帶點辣特別開胃。西西里pizza : 辣肉腸、蘑菇、青椒同肉粒，pizza焗到脆邊，好得!飲品 : 意大利泡沫咖啡同水果茶，咖啡香濃，水果茶係百香果味道，清新又消暑。