華嫂冰室 (皇廷廣場)

營業中

休息中

老公揸車返工既一早，經過觀塘，早上既時間無需要等位，泊左架車係附近就入去食個快早餐。今朝突然好想食豬扒，見到餐牌上邊有豬扒 米線、米粉同通粉，就揀左米粉。湯底有standard，亦都有特別味，難得出黎食早餐，梗係揀個特別架啦！冬陰公湯底，老公就揀左雞翼番茄湯底。飲品原來無包，全部另計。建議下次唔係特別口渴都唔駛叫，飲水慳返啲。好快就上菜，勁大塊豬扒，又厚肉又淋，正呀！雞翼入味，但未至於「骨肉分離」。冬陰公同番茄湯底都相當濃，係濃湯，好味！下次要試下佢既招牌三明治先得。