金金日式燒肉店

營業中

休息中

日式燒肉就一直都好喜歡食，但人大左，次次都要食放題其實好辛苦，佢再追求大件夾抵食到focus返食d有質素嘅燒肉其實可以考慮呢間，佢個地點超方便，地鐵站出唔使1分鐘就行到。好彩我朋友早一日已經落單訂左個活鰻燒肉二人盛，因為原來早一日preorder可以減$500，換言之$498就可以落樓！呢個餐超豐富，我地首先要左個龍蝦沙律伴青瓜，青瓜超清脆，開胃一流。之後重頭戲 *海之幸* 網燒鮮活鰻魚，呢個首先要燒熱個爐，魚油燙過先燒鰻魚，配埋鰻魚汁好好味，做到外脆內軟嘅效果。飛魚子爐邊玉子燒用左韓式方法，直接放鐵容器燒。*野菜* 有有機蔬菜盛合。*燒肉盛合* 都好豐富，每樣兩件，包括日本A5和牛西冷、日本A5和牛肉眼、澳州M9和牛肉眼、澳州M9和牛翼板肉同美國Prime厚切牛小排。不過最好食一定就係個美國Prime鎖鏈牛翼板肉，用來打卡一流，肉質都好好食！另外加埋白飯同味噌湯，超滿足嘅一餐！