浜滝

營業中

休息中

環境：日式居酒屋裝修，環境乾淨，有兩層，座位都多，店員有禮貌。食物：叫咗推介嘅日式雞皮串同大蔥雞肉。雞皮串香脆有雞味，大蔥雞肉串肉質鮮嫩。之後係店長推介嘅左口魚卷。呢個出面比較少食到，長長嘅左口魚配一個酸酸地嘅汁同wasabi。食埋好新鮮，左口魚燒完淡淡油香。再之後係明太子三文魚石頭鍋飯，石頭鍋燒得唔夠熱，所以食唔到飯焦，不過明太子配三文鮮嘅味好夾好岩配飯食。最後係味土手蠔喎。蠔大隻新鮮，湯底清甜，配料足。總結：每款菜式都有中上水準，味道不俗，價錢亦合理，值得一試。