影片
更多
2020-11-08
10 瀏覽
星期二一班同事約咗收工去食飯吹下水，咁我地就揀咗佐敦嘅一間日本串燒屋，可以飲下啤酒，又有野味串燒送酒，都幾正下。呢間餐廳其實就好易搵，店面都唔會好大，但無咩所謂，吹水細細地嘅鋪頭都幾岩feel。我地order咗幾杯啤酒同10幾款嘅串燒，雖然唔會話好多，但黎呢度食野梗係唔係為咗飽 食嘅係滋味。老實咁講，呢到上菜時間係耐小小嘅，但呢樣我好中意，起碼證明串燒係即叫即燒嘅，野食熱辣辣好食嘅串燒點會唔洗時間用心炮製，而且我地吹吹下水，時間好快過。我講下d我印象深刻嘅串燒啦。首先就串燒肥牛粒，我覺得幾抵食，個名叫粒，但其實係幾大件嘅和牛條，燒得好嫩，入面又夠juicy，用小小黑椒調味，調出曬牛肉嘅獨有油香味，真係正。跟住呢間鋪頭嘅自創菜式煙肉荔枝卷又真係驚艷到我，就咁燒煙肉一定好柴好鹹，就咁燒荔枝又會有d奇怪，無鹹味唔岩做串燒，但兩者結合真係有個好好嘅搭配，食落去一d都唔干唔柴，荔枝嘅汁水爆曬，而且岩好煙肉增加咗d鹹香味上去加埋荔枝嘅香甜味道，味道層次好豐富，估唔到又真係咁好味。最後印象深刻就係串燒例牌必點嘅燒茄子。燒茄子要好食唔難，茄子要新鮮，蒜頭夠新鮮夠多，呢兩樣呢間鋪頭都做到，做得好好添，燒
呢間餐廳其實就好易搵，店面都唔會好大，但無咩所謂，吹水細細地嘅鋪頭都幾岩feel。
我地order咗幾杯啤酒同10幾款嘅串燒，雖然唔會話好多，但黎呢度食野梗係唔係為咗飽 食嘅係滋味。
老實咁講，呢到上菜時間係耐小小嘅，但呢樣我好中意，起碼證明串燒係即叫即燒嘅，野食熱辣辣好食嘅串燒點會唔洗時間用心炮製，而且我地吹吹下水，時間好快過。
我講下d我印象深刻嘅串燒啦。首先就串燒肥牛粒，我覺得幾抵食，個名叫粒，但其實係幾大件嘅和牛條，燒得好嫩，入面又夠juicy，用小小黑椒調味，調出曬牛肉嘅獨有油香味，真係正。
跟住呢間鋪頭嘅自創菜式煙肉荔枝卷又真係驚艷到我，就咁燒煙肉一定好柴好鹹，就咁燒荔枝又會有d奇怪，無鹹味唔岩做串燒，但兩者結合真係有個好好嘅搭配，食落去一d都唔干唔柴，荔枝嘅汁水爆曬，而且岩好煙肉增加咗d鹹香味上去加埋荔枝嘅香甜味道，味道層次好豐富，估唔到又真係咁好味。
最後印象深刻就係串燒例牌必點嘅燒茄子。燒茄子要好食唔難，茄子要新鮮，蒜頭夠新鮮夠多，呢兩樣呢間鋪頭都做到，做得好好添，燒得都唔會過咗龍，無燶無苦味，蒜頭調味調得幾好，野味之餘都食到茄子嘅鮮甜味，真係放開黎食，我可以食3條，岩曬我口味。
總括而言，呢間串燒鋪出品都真系幾好，睇得出係比心機整嘅，價錢又唔係好貴，你話放工有咩舒服得過食住野味串燒，飲住冰涼啤酒，同三五知己吹下水呢，呢度真係滿足到我。
張貼
