コメダ珈琲店

營業中

休息中

晚餐約左屋企人試食呢間日本過江龍Cafe，睇下係唔係咁好食先？可能平日晚上關係，唔使等位，好少人。坐嘅座位都舒服，闊落。我哋叫咗三個主食：拿破崙意粉、咖喱意粉、炸豬扒方堡拿破崙意粉：份量足夠，濃郁蕃茄汁加火腿，意大利麵煙靭。麵包放耐咗都唔會好晏。咖喱意粉：一嚟到已經聞到好香咖喱味，日式咖喱唔辣，意大利麵煙靭，但略嫌菜式有少少凍。炸豬扒方堡：估唔到咁大碟，食唔晒要屋企人幫手一齊食。炸豬扒有驚喜，熱辣辣，好脆。配合沙律菜同醬汁，一流！整體三款食物都滿意，因為餐廳人少，好靜，所以可以慢慢同屋企人傾計，渡過愉快的一餐。