一番日本料理

營業中

休息中

壽司叫左鮮芒果、大甜蝦、味付螺肉、挪威三文鱼。呢幾款我比較鍾意鮮芒果，一開始見到餐單有呢個選項幾特別，但一啲都唔伏🤣🤣食完一堆肉食再試，煥然有種fresh嘅感覺！切粒好大舊。不過發現佢呢度嘅壽司都幾足料，好似味付螺肉，入口feel到包裹住嘅醬汁，充滿成個口🤣而甜蝦都唔錯，食落幾鮮甜，肉質嫩滑！不過三文魚壽司係刺身對比之下，我覺得刺身更勝一籌😼刺身叫左三文魚、象拔蚌。三文魚食落好新鮮🤣好讚！肉質幾厚身同鮮嫩，有機會我會想有試多次！而第一次初嘗象拔蚌，口感幾有趣，食落feel到個肉質薄切又不失佢本身肉嘅口感，食落幾爽滑，冇腥味！🦪蒜茸燒半殼蠔我第一次食過覺得連啲蒜都係咬粒感，燒嘅焦係表層啱啱好！我個人都幾鍾意蒜，我覺得可能表層燒得太好，搶左蠔本身嘅風味🤣如果挑剔地講，兩者兼顧埋就更上一層樓！🍜叉燒烏冬，下午茶$38就有大碗，我覺得幾抵食！🤣🤣叉燒係湯配合下，都好入味，肉質軟嫩，入口就斷😼