米気

營業中

休息中

一個月後久違地外出，當然又要食吓日本野。講起日本料理似乎多數都係拉麵同魚生，但米氣就係日式嘅住家菜。多數我哋鍾意一人一個飯，再加啲小菜，選擇都幾多。明太子一直係我地最愛之一。少少辛辣非常惹味。中間紅酒汁煮牛肋條酒味唔重，牛肉夠軟屬，好適合送飯。牛油醬油煎牛柳香口且肉質唔老，炸蓮藕片十分香脆。苦瓜同茄子好入味。醬油金菇亦都係撈飯之選，唔油膩又好入口。豚軟骨煮都好入味，而且味道濃郁，貼心係有啲芥末支埋一邊，俾我地自己揀點幾多。薯仔沙律則係平凡嘅好味。明太子雞翼並無吝嗇明太子，不過如果釀埋入雞翼會仲正。最後叫返個米氣雪糕，居然真係米味嘅雪糕，而且更加似係雪巴嘅質地，配上脆脆米，口感豐富又唔膩。今餐好豐富，好鍾意呢種住家式嘅日式料理，特登入紅磡食都值得的。