炑

營業中

休息中

位於尖沙咀 H Zentre 的「炑」，主打日式割烹料理，店內以木系和風既設計，全吧枱，可以一路食一路欣賞師傅用心既製作🥰當日我揀左$978的午市套餐，餐廳最近仲推出午市套餐7折優惠，超抵食，一個價錢已經有齊刺身，天婦羅等等既美食🤤🤤🤤你地仲唔快啲去試下😋🤗🍅先付 - 水雲醋物沖繩水雲配車厘茄同秋葵，水雲係沖繩特產，口感順滑得意（第一次食😂），配埋醋汁，酸酸甜甜好鬼開胃🥚海苔茶碗蒸嫩滑既蒸蛋加埋新鮮嘅紫菜，竟然出奇地match🐟北海道秋刀魚Sashimi（薑蔥汁）刺身厚切，肉質肥美彈牙，第一次點薑蔥汁一齊食，令本身秋刀魚嘅魚香更顯鮮味，加上擺盤砌得好靚成塊樹葉咁，打卡一流📸🐟燒吞拿魚骹（柚子醋 + 蘿蔔蓉）下顎係最嫩滑嘅位置，肉質嫩滑，油脂豐富好香魚油味，好味到食唔停口🍲 和歌山鱧魚新順菜煮物鱧魚鮮嫩，配上梅子醬，令味道更有層次感，而個啫喱狀嘅湯底滑滑的，十分鮮甜😋記住要飲埋🍤🌽天婦羅 二品沖繩縣花竹蝦 （柚子鹽） + 北海道甜粟米天婦羅炸衣炸到脆口得嚟好薄身，蝦肉爽口彈牙，而蝦頭炸到脆卜卜可以當薯片咁食😂而個粟米天婦羅好特別，佢係拆晒d粟米粒粒出嚟炸，炸至金黃色，啖啖香甜嘅粟米粒，正