Hungry Monkey (海之戀商場) (已結業)

「Hungry Monkey」位於荃灣大河道100號海之戀商場3樓3016號舖，揸車嘅就推薦泊海之戀商場，不過冇乜泊車優惠，要搵咪錶既話去到享和街或者大屋街咁遠先有。 餐廳裝修走日本風，又有啲酒吧既風格，吧檯對正open kitchen，鍾意睇廚師表演既大小朋友啱曬！ 海之戀店限定二人前B餐 👇沖繩風沙律『苦瓜是沖繩特產，含有豐富維他命C，仲有海葡萄，非食不可！』 蟹膏豆腐『硬豆腐面鋪滿蟹膏再炙燒，令蟹膏味更突出！』辣酒凍風螺『用咗花椒做香料，麻得嚟又唔會太辣，凍食感覺再彈牙啲！』明太子廣島蠔『經鐵板加熱後再加明太子炙燒，令蠔味更鮮！』香蔥牛肉薄燒『鐵板上嘅牛肉較易鎖汁，配上大量蔥花，一啖過食，口感惹味澎湃！』鵝肝炒飯『油脂較少，配上粒粒分明嘅飯粒，經鐵板炒過就更乾身，呢樣係鐵板既獨有味道！』波士頓龍蝦『芝士味濃郁，爽脆多汁，夠鮮！』鐵板梳乎厘『食落似係全蛋白打嘅，好軟身，入口即溶！』京姬柑熟柚子x檸檬酒『飲落帶微酸口味算清新，有啲似日版罐裝檸檬堂溝柚子！』天使之氣氛白桃濁酒『杯底嘅沉澱物係米粒粉末，飲落似韓式米酒溝白桃燒灼！』揸車出入：👍帶小朋友：👍👍👍👍食物質素：👍👍👍環境舒適：👍