茶寮 京都仁王門

營業中

休息中

🍛早幾日放假同朋友去咗海之戀行街，順便食晏。之前都有留意到呢間餐廳既餐牌有蛋包飯，都幾吸引，一於試下。🍛我哋叫咗兩個蛋包飯，一個吉列豬扒蛋包飯，一個吉列廣島蠔蛋包飯，而醬汁可以揀京都風咖喱或者奶油菇菌，套餐仲包麵豉湯同日本茶。🍛我地都等左一陣先上碟，吉列豬扒同廣島蠔食得出都係即整，整得好酥脆，豬扒肉質唔錯；廣島蠔一啲都唔腥算新鮮。🍛蛋包飯買相係幾靚，但食落同向日本食就有啲分別，蛋整得比較熟，又冇乜味；醬汁都係揀返咖哩汁，個人認為奶油菇菌真係同蛋包飯唔係好夾。🍹野飲我地加錢叫左焙茶黑蜜豆乳，同白桃乳酸梳打，反而野飲幾有驚喜😋