廿一堂

營業中

休息中

🥢星期五收工同男友又去咗荃灣西搵嘢食，海之戀間廿一堂經過好多次，今晚就試下佢啲丼飯。🥢廿一香蔥漬厚切牛舌丼$80:牛舌真係超大塊，亦都好厚身，但係食落仲有少少酥味，再落多少少醬汁同鹽去燒應該會去到酥味。香蔥用嚟送飯正，泡菜都好開胃。🥢岩鹽燒鯖魚配海苔丼$84:鯖魚都好大條，燒得啱啱好，味道夠鹹。但係食落就好多骨，都未試過食鯖魚有咁多骨。海苔飯都超正，鹹鹹地咁，另外仲有隻溫泉蛋用嚟撈飯都好正。🥢跟餐小食可以揀大福或者泡菜，下次可以試吓大福，見其他人的餐都好大粒。我哋個餐仲包汽水🥤同埋麵豉湯。🥢如果用自助形式叫餐同回收餐具，仲有得慳兩蚊添👍🏼