味道樂居酒屋 (元州街) (已結業)

終於打完風，可以約埋班朋友出黎食飯啦！今晚就揀左呢間位於長沙灣既日式居酒屋，店舖唔算好大，一round大概坐廿幾三十人左右，如果唔早d黎肯定有排等。。雖然餐廳唔係好大，但佈局擺設都別有用心，好有日本昭和時代既風格👍🏻我特別中意呢個筷子托🥢🐱喵～～事不宜遲，叫野食先！先黎一個沙律，富士🍎清新爽甜，配合埋其他蔬菜，呢個餐前小食真係好開胃。食親日本野，芝士年糕真係必點項目😍呢個就做得幾出色啦，新鮮滾熱辣，即叫即整，一咬落去d芝士流心就bi晒出嚟🤤🤤好正好邪惡呀！黎得呢度，原條炭燒鰻魚飯就一定係膽拖，好似一舊放大左既鰻魚壽司🍣。呢條鰻魚煮得太林，同埋無炭燒既香味，當然無左炭燒特有個種香脆既感覺，就好似超市擺出黎賣個d既質素，所以只可以話不過不失！對比起鰻魚飯，呢個香煎鵝肝集菌石鍋飯做得更出色。鵝肝嘅油分慢慢咁滲落去d飯度，每一啖飯都食到佢既香味，真係不得了🤤最後就叫左我最愛既牛舌，又話厚切既。。牛舌薄就已經輸左一半了總括黎講，呢間日式居酒屋性價比都幾高，配合埋呢度嘅環境，真係好似去咗日本咁。