日本野 (銅鑼灣廣場二期) (已結業)

同朋友去完灣仔睇相機，就決定去銅鑼灣食餐好嘅！想食日本野，就揀咗間名叫日本野 嘅餐廳☺主食必食霜降牛肉壽喜燒，牛肉新鮮而雪花分佈平均，壽喜燒濃郁配烏冬同沙律，份量都夠2 個人另一個主食就要石燒霜降牛小排，配溫泉蛋，石燒爐一次可以燒2 片，邊食邊燒，幾好玩☺牛味濃而嫩，油膩分佈平均，唔會太肥膩，配嘅醬汁款式有幾款，配燒汁都唔錯！仲可以加小食，所以揀咗芝士年糕，外脆內軟，可以拉絲嫁~另一個就揀和風炒野菜，鍋氣極足， 好惹味份量好足。嚟居酒屋點可唔食串燒，揀炭燒牛舌串 、炭燒雞腎、炭燒黑豚腩肉串，即叫即燒，牛舌、雞腎爽口彈牙，豚腩肉就油花脂肪較為甘美。脆味雞軟骨其實下酒一流，唔會好油膩，香脆彈牙。除咗串燒，另外火炙三文魚壽司，火炙過後魚油香突出，入口即溶，食到好飽好足滿咁走啦！