札幌拉麵 Miso No.1 x 辛味屋

營業中

休息中

今日同朋友去咗荷里活廣場行街，行到咁上下就順便係果度食埋晚飯，揀咗呢間日式餐廳，因為見到啲套餐都幾抵食吓。有三款自選套餐，叫咗 $208 二人套餐 (滑蛋豬扒飯、吉列豬扒奄列咖喱飯、炒魷魚鬚、北海道南瓜炸薯餅、燒牛舌)。滑蛋豬扒飯 : 吉列豬扒幾出色，炸得夠脆口之剩內裏鬆軟多汁 👍🏻吉列豬扒奄列咖喱飯 : 朋友分咗啲比我食 😍 個咖喱汁好正呀，而且又夠多唔洗怕飯多過汁。炒魷魚鬚 : 份量都幾多，而且個醬汁幾正，魷魚鬚爽口彈牙。👍🏻北海道南瓜炸薯餅 : 上枱時熱辣辣，食落香脆可口，雖然係冷藏食品但都幾好味。燒牛舌 : 牛舌有啲孤寒每片都好薄。🤢