米気

營業中

休息中

又嚟到黃埔搵食啦～今次嚟試吓日式家庭料理feel嘅米氣。-午餐定食價錢由$64起，係根據所揀主食而唔同價錢。一個餐有米飯+主食+冷盤+飲品。$78 日本國產米＋月見博多雞團子＋帆立貝裙邊海藻沙律＋米氣黑糖米水（常溫）仲有味噌南瓜湯🎃雖然生蛋黃飯（+8）好似好吸引，但見到有月見雞團子🤭小聰明上線（等我分一半去白飯到先🤫）主食月見團子好送飯，調味啱啱好。另外冷盤嘅裙邊海藻沙律有咬口，shock shock聲🥢每款都用一個碟仔裝住，好有日劇嘅家庭料理感。另外仲試咗素食漢堡：$68 日本國產米＋蕃茄味噌豆腐漢堡＋八爪魚沙律＋米氣黑糖米水 豆腐漢堡淋有蕃茄汁，酸酸甜甜好開胃，一樣好啱送飯。附有兩塊脆炸蓮藕。冷盤嘅八爪魚有咬口，味道清新。目前食過兩款冷盤，呢款八爪魚同海帶裙邊都唔錯。